TOP

Ensonga endala ezaakwasizza Kayihura

By Musasi wa Bukedde

Added 14th June 2018

Ensonda zaategeezezza nti Kayihura yakwatiddwa olw’ensonga eziwera kyokka ezisinga kuliko okwetwala nga kiwagi.

Kwata 703x422

Gen. Kale Kayihura eyakwatiddwa

Okuva lwe yagobwa ku bukulu bwa poliisi n’awaayo ofi isi mu butongole yagenda ku faamu e Lyantonde nga March 15, okuva olwo teyeeyanjula mu magye. Ekiwandiiko ky’amagye kyagambye nti Kayihura akyaweereza mu UPDF nti kyokka abadde yalemera e Lyantonde okuva nga March 15.

Kigambibwa nti Museveni abadde atuuza enkiiko z’ebyokwerinda nga n’olwasembyeyo yayise Bofi isa bonna okuva ku ddaala lya Brigadier okutuuka ku Bagenero kyokka era Kayihura n’atalinnyayo.

Wano amagye kwe kugoberera enkola yaago ey’omuduumizi okuyita Gen. Kayihura yeeyanjule era n’amuweereza n’entambula. Ensonga ndala yeekuusa ku kufa kwa Andrew Kaweesi.

Obujulizi obukung’aanyiziddwa ku Kaweesi bulaga ng’olukwe lw’okumutta lwakolebwa munda mu poliisi. Ekirala ekireeta Kayihura mu nsonga zino bye bigambibwa nti fayiro ya Kaweesi yakwatibwa bubi, bingi ebyalina okukolebwa okunyweza abatemu ne birekebwa ebweru.

Ekirala waliwo obujulizi okuli Lt. Godfrey Galabuzi Musisi ow’e Namugongo akissa ku Kayihura nti yamutumira abantu ng’ayagala kumuwa ssente alumirize Tumukunde nti yali mu lukwe lw’okutemula Kaweesi. Kigambibwa nti waliwo abaakwatibwa ku biragiro bya Kaweesi ne babasuubiza ssente bakkirize nti beenyigira ku by’okutta Kaweesi.

Ensonda zaategeezezza nti ebintu okutabuka kyaddirira okukwata omuserikale Abby Kitagenda eyali owa Flying Squad agambibwa nti y’omu ku baatemula Kaweesi.

Ono kwagattiddwaako ofi isi omulala Moses Kasiba naye wa Flying Squad (ono Kaweesi ye yamugoba). Kigambibwa nti bano be baliko bye baayogedde eby’omunda ebyavuddeko okukwata Kayihura yennyini ne bofi isa abalala bonna awamu 14.

Bano beegasse ku balala abaasooka okutwatibwa okuli Nixon Agasirwe, Joel Aguma, Benon Atwebembeire, Sgt Abel Tumukunde, Faisal Katende ne Amon Kwarisima Abamu ku baakwatiddwa, waliwo omusajja eyasooka okukwatibwa ku by’okutta Kaweesi ayitibwa Rasta eyalumiriza abamu ku banene ba poliisi abaatuula mu lukiiko ku Kati Kati e Lugogo ne bateesa okutemula Kaweesi.

Mu lukiiko luno, kigambibwa nti mwalimu ne muninkini wa Kaweesi ayitibwa Christine Mbabazi Muhoza mu kiseera kino akuumirwa mu maka ge e Lungujja, Kitagenda, Kasiba n’abalala.

More From The Author

Emboozi z’omuwandiisi endala

Emboozi endala

Condomismaelssempumatestimonywebuse 220x290

Enkozesa ya kondomu eneekutangira...

Okwesunga akaboozi ekisusse kiremesezza bangi okukozesa kondomu

Kab2 220x290

Leero mu mboozi z'omukenkufu tukulaze...

Leero mu mboozi z'omukenkufu tukulaze engeri butto w'obusigo bw'amapaapaali gy'akola ku maaso n'embuto ez'esiba...

Kig1 220x290

Akatabo ka Ham kawangudde engule...

Akatabo ka Ham kawangudde engule ey'okubiri

Kabaleeweb 220x290

Kabale Sharp bagikubye ne yeekwasa...

Kabale Sharp eya Big League, ewangudde Water FC, n'esannyalaza emikisa gyayo okwesogga liigi ya babinywera

Hajjathanifakawooya 220x290

Kkooti y'e Sembabule terina kaabuyonjo...

OMUBAKA omukazi owa disitulikiti y’e Sembabule, Hanifa Kawooya, asabye gavumenti okuzimba ekizimbe kya kkooti y’e...