TOP
  • Home
  • Amawulire
  • Balumirizza Katatumba okweyisa mu ngeri eyeesittaza

Balumirizza Katatumba okweyisa mu ngeri eyeesittaza

By Musasi wa Bukedde

Added 19th June 2018

OMUYIMBI Angella Katatumba bamulumirizza okukola ebikolwa ebyasittaza mu wooteri nga kye kyamuviirako okutabangula embeera.

Tonight 703x422

Katatumba ng'ali mu kaguli

BYA MARGRET ZALWANGO

Munnamateeka w’abakozi ba Chicken Tonight David Ojambo abadde asoya Katatumba ebibuuzo kw'ebyo by'agamba ebyamutuusibwako abakozi ba wooteri eyo n'amutegeeza nga bwe yali yenywegera ne mukwano gwe Kuzi gwe yali azze naye.

Katatumba yagambye nti okwenywegera takirabamu  buzibu kubanga kintu kyabulijjo nga kyali tekibeetaagisa kusooka kudda bbali ne mukwano gwe basooke beenywegere.

Omuyimbi ono nga yategezezza kkooti nti ya  maneja wa Hotel Diplomat e Muyenga yeeganye okubeera nti yalabulwako maneja wa wooteri ku neeyisa ye nga puliida w'abawawaabirwa bwe yabadde akimutaddeko nti baali benywegera bwe babagambako nebava mu mbeera ne bavuma abakozi ba wooeteri.

Babadde mu maaso g’omulamuzi omukulu owa kkooti y’e Makindye Erias Kakooza nga Katatumba awa obujulizi ku misango abakozi ba Chicken Tonight gyebavunaanibwa okuli okukuba omuntu ne bamutusaako obuvune obwamanyi saako okubba ssente obukadde mukaaga n’emitwalo 20.

Omuwaabi wa gavumenti Happiness Ainebyona asabye omulamuzi omusango gwongerweyo asobole okuleeta abajulizi abalala .

Kigambibwa nti nga April 2, 0mwaka guno Choka Olubrwoth maneja wa wooteri , Denis Okirot omukuumi ne John Kaddu abakozi ba Chicken Tonight ettabi ly’e Kabalagala baakuba Katatumba ne mukwano gwe Kuzi enzaalwa ye Jamaica oluvannyuma ne babbako ne ssente.

Omusango guweereddwa olwa July 24, lwegunaddamu okuwulirwa. 

More From The Author

Emboozi z’omuwandiisi endala

Emboozi endala

Awar 220x290

Owa Bukedde awangudde engule

Bannamawulire n’abayimbi bawangudde engule mu mpaka za Rising Star Awards

6 220x290

Yiga bwe bafumba enkoko erimu enniimu...

Yiga bwe bafumba enkoko erimu enniimu

Omumyuka 220x290

Pulezidenti Museveni teyeeyibaala...

OMUBAKA wa Busiro East mu palamenti, Medard Lubega Sseggona ategeezezza Pulezidenti Museveni nti teyeeyibaala nti,...

Kutte1 220x290

Nakibinge akunyizza Haruna Kitooke...

JJAJJA w’Obusiraamu, Omulangira Kassim Nakibinge, Omulangira Kakungulu Kalifaani, Sheikh Nuuhu Muzaata ne bamaseeka...

And 220x290

Tondaba akanyiriro embeera mbi...

HARUNA alombojjedde Sipapa ebizibu by’ensimbi byatubiddemu olw’okwenyigira mu by’obufuzi.