TOP
  • Home
  • Agawano
  • Muloope Abapoliisi abeenyigira mu bumenyi bw'amateeka - Museveni

Muloope Abapoliisi abeenyigira mu bumenyi bw'amateeka - Museveni

By Muwanga Kakooza

Added 20th June 2018

PULEZIDENTI Museveni agambye nti obumu ku bumenyi bw’amateeka obugenda maaso mu ggwanga bwenyigiddwamu n’abamu ku bantu abali mu bitongole ebikuumaddembe.

Pala3 703x422

Museveni ng'ayogera eri Palamenti. Ebifaananyi bya MOSES NSUBUGA

Awabudde  abantu ba bulijjo okutunulanga enkaliririza okulaba n’okuloopa ku poliisi n’ebitongole by’ebyokwerinda ebirala abantu bonna be bateebereza okuba abamenyi b’amateeka n’agamba nti enkolagana ng’eno ejja kuyamba okukendeeza obumenyi bw’amateeka.

Museveni abadde ayogera eri Palamenti ku mbeera y’obutebenkevu n’alambulula amakubo agawerako gavumenti g’egenda okuyitamu okubirwanyisa.

Agambye nti obugajjavu mu poliisi n’ebitongole ebikuumaddembe wamu n’abamu ku bamenyi b’amateeka okukolagana n’ab'ebyokwerinda kye kimu ku bizibu ebivuddeko ebikolwa by’okumenya amateeka okweyongera.

Kwe kumenya amakubo gavumenti  g'egenda  okukwata  okulwanyisa ettemu n’obumenyi bw’amateeka nga ge gano:

Ebinkumu by’abantu bonna abakozesa emmundu mu ggwanga  bigenda kubaggyibwako bissibwe mu kompyuta  bwe wanaabangawo obutemu n’obumenyi bw’amateeka obulala gavumenti ejja kusobola okumanya ‘’nnyini mmundu’ eyakozeseddwa mu butemu oba obubbi.

Kino agambye nti kigenda kumalawo abakuumaddembe abayinza okukemebwa okwazika emmundu ne zikozesebwa ebikyamu.

-Bannyini bidduka bagenda kulagirwa okugula nnamba z’emmottoka ne pikikpiki empya ezikolera ku kompyuta ng’abobuyinza basobola okulondoola ebidduka  n’okulaba buli we ziba zigenze nga kijja kuba kyangu okuzuula eyatambuza abamenya amateeka.

Yazzeemu okutegeeza nga gavumenti bwe yaweze eky’abavuzi ba dobaboda okwambala ebikokokolo n’ebigoye ebibikka emitwe gyabwe. N’agamba nti poliisi buli muntu gw’enaalaba abyambadde erina okumubuuza akana n’akataano.

Ensonga z’okugula kamera n’okuzissa ku nguudo okuketta abamenya amateeka nayo agambye nti gavumenti egitadde ku mwanjo. Era nga ekifo ekikebera endaga butonde nakyo kigenda kwongerwamu amaanyi kisobola okuzuula ebikwata ku bantu ababa beenyigidde mu kumenya amateeka okugeza okukebera enkwanso z’abakwata abakazi, okusobola okukebera entuuyo , amalusu n’omusaayi gw’abateeberezebwa okwenyigira mu kumenya amateeka.

 useveni ngalaga ababaka engeri abatemu abakozesa huudu soma ebikoofiira gye beebikkiriramu ku bodaboda ne bayita ku bantu Museveni ng'alaga ababaka engeri abatemu abakozesa huudu (soma ebikoofiira) gye beebikkiriramu ku bodaboda ne bayita ku bantu

Agambye nti kino kigenda kugattibwako okulwanyisa abakozesa ebyempuliziganya eby’omulembe ku kompyuta, abeeyambisa emikutu gya 'Social Media' okuli Facebook, Twitter ne Whats App okumenya amateeka nga bawandiikako ebintu ebisasamaza abantu.

More From The Author

Emboozi z’omuwandiisi endala

Emboozi endala

Stabua2 220x290

Mbalinze nkya ku Obligatto- Stabua...

Stabua Natooro akoowodde abantu okweyiwa mu konsati enkya ku Club Obligatto

Namaalwa1 220x290

Omukungu agobye ffamire ye mu muka...

OMUKUNGU wa gavumenti agobye ffamire ye mu maka. Kigambibwa nti agawasirizzaamu omukyala omulala.

Magogo1 220x290

Magogo bw'aba yalya enguzi tadda...

MUNNAMATEEKA Fred Muwema agambye nti emyezi ebiri FIFA gye yasibye Moses Magogo ng'akkirizza omusango gw'okutunda...

Haruna11 220x290

Embaga za ba Celeb; Tukuleetedde...

Ddala kituufu omuyimbi Haruna Mubiru awasa balinawo?

Rolex0 220x290

Ab'e Jinja beesunga kivvulu kya...

Omanyi ekivvulu kino kye kimu ku bisinga okukwatayo mu ggwanga wabula 'Abeyidinda' baludde nga beemulugunya lwaki...