TOP
  • Home
  • Masaka
  • Yeefudde alinnyiddwaako emizimu n'alemesa Abachina abakola oluguudo okuyisaawo amayinja

Yeefudde alinnyiddwaako emizimu n'alemesa Abachina abakola oluguudo okuyisaawo amayinja

Added 21st June 2018

MULEKWA agambibwa okulinnyibwako omuzimu gwa nnyina asattizza Abapoliisi abagenze okukakkanya abooluganda abeesuddemu jjulume ne basuula emisanvu mu kkubo ne balemesa mmotoka z'Abachina okuyisaawo amayinja agakola oluguudo lwa Bukalasa-Ssembabule.

Abapoliisi nga bagezaako okukkakkanya omukazi

Abapoliisi nga bagezaako okukkakkanya omukazi

Katemba ono abadde ku kyalo Kawembero-Natitta e Kalungu Poliisi ekuliddaa DPC Geoffrey Egwangu gye bagenze okuzza embeera mu nteeko.

Bamulekwa b'abagenzi; Joseph Ssozi ne Proscovia Nnakyeyune be baasimye ekkubo ne bakumawo ekyoto kwe bagumbye n'okufumbako obuugi.

Poliisi bw'ezze n'ezzaako Joseph Ssessanga ne George Galabuzi ku bbali n'ebasisinkanya ne Nsubuga akiikiridde Abachina ebawooyewooye baggyewo emisanvu.

Wano Alisteera Nantambi we yabagukidde nti aliko omuzimu gwa nnyabwe Nakyeyune n'abalumbagana abataagule.

Ataamye n'akwata n'omuggo nga bw'akannudde amaaso okutuusa Poliisi bw'ebeetegudde nti egenda kwogeraganya n'Abachina nti babasasule.

Charles Sseggujja, Robert Ssemmambo,Fred Kaliisa ne Paskazia Nnaggujja bagambye nti baaguza Abachina yiika z'oluzozi 4 ku bukadde 150 ne basasulwako ekitundu nge zaasigala bababuzaabuza.

 

 

More From The Author

Emboozi z’omuwandiisi endala

Emboozi endala

Ba Kansala ku district e Ki...

Ba Kansala ku district e Kiboga bakubye ebituli mu budget ya District

Emitimbagano gya Vision Gro...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Ensonga za Brian White ez'o...

Ensonga za Brian White ez'okkabasanya abaali abakozi be zisajjuse

Engeri akasaawe k'e Mulago ...

Engeri akasaawe k'e Mulago gye kaalera Jimmy Kirunda

 Poliisi n’abatuuze nga bateeka omulambo gwa Mukiibi ku kabangali.

Afiiridde mu kibanda kya fi...

Afiiridde mu kibanda kya firimu e Mukono