TOP

Bakaleke agguddwaako emisango 12

By Musasi wa Bukedde

Added 24th June 2018

Bakaleke agguddwaako emisango 12

Si1 703x422

Bakaleke

EBINTU byonoonekedde omuserikale Siraje Bakaleke omuwaabi wa gavumenti bw’amugguddeko emisango 12 omuli ogw’okuwamba abantu n’alagira atwalibwe ku kkooti avunaanibwe.

Emisango egyagguddwa ku Bakaleke n’abantu abalala munaana kuliko; okweyambisa obubi ofiisi 3, okuwamba abantu, okwekobaana ne bazza omusango, okufuna ssente mu lukujjukujju n’emirala.

Omwogezi w’ekitongole ky’omuwaabi wa gavumenti, Jane Kajuga yakakasizza ng’omuwaabi wa gavumenti bwe yalagidde Bakaleke ne banne okuvunaanibwa mu kkooti oluvannyuma lw’okugyekebejja.

Bino we bijjidde ng’omuduumuzi wa poliisi mu ggwanga, Martin Okoth Ochola alagidde Bakaleke okuva mu ofiisi mwe yali, evunaanyizibwa Bakaleke agguddwaako emisango 12 okusomesa eby’obufuzi mu poliisi addeko ebbali asobole okunoonyerezebwako ku misango egyali gimugguddwaako nga giwedde wabula nga mu kiseera kino omuwaabi wa gavumenti alagidde avunaanibwe.

Bakaleke eyaliko omuduumizi wa poliisi mu kitundu kya Kampala South bino webyabeererawo, avunaanibwa n’abaserikale abalala okuli; Isaac Munezero nga y’akulira ofiisi evunaanyizibwa ku by’ekikessi (Crime Intelligence) ku poliisi e Katwe, George Kayongo, Keneth Zirintusa, Patrick Ochen, Samuel Nabeeta n’abalala.

Kigambaibwa nti Bakaleke baakwata Abakorea okuli Park Seunghoon ne Jang Un abajja mu ggwanga okusuubula Zaabu nga babalanga okuyingira mu ggwanga mu bukyamu ne bagezaako okubatikka ku nnyonyi okubazzaayo oluvannyuma lw’okubakuumira mu kaduukulu okumala ennaku bbiri ne babaggyako ssente akawumbi kamu n’obukadde 400.

Oluvannyuma Abakorea bano baatuukirira Flying Squad n’etandikirawo okunoonyereza ne bakwata abasirikale basatu ne baggalirwa mu kaduukulu e Nalufeenya.

More From The Author

Emboozi z’omuwandiisi endala

Emboozi endala

Npc03webuse 220x290

Abavubuka bayambibwe mu byobulamu...

Abavubuka basaana bayambibwe mu byobulamu basobole okwekuuma, okwejjanjabisa n'okumanyisibwa ebikwata ku byobulamu...

Coffeetree1webuse 220x290

Alina omusaayi omutono muwe amazzi...

Atalina musaayi kozesa bikoola bya mmwaanyi ofune ogukumala

Camavingajpg111 220x290

Ttiimu za Premier 3 ziswamye musaayimuto...

Camavinga, wa myaka 16 era ttiimu za Premier zigamba nti akacanga nga Paul Pogba.

Ssuubikazimba 220x290

Abakrisitaayo balabuddwa okulwa...

ABAKRISTAAYO balabuddwa okukomya okumala obudde bwonna mu masinzizo nga balindirira Katonda okubakolera ebyewuunyo...

Mbvsmpindi1web002web 220x290

Abembogo beewaanye bwe bagenda...

ABAWAGIZI n'abakungu be Mbogo beewanye nti "omunene asigala munene" oluvanyuma lwokukuba Empindi ggoolo 3-0 mu...