TOP
  • Home
  • Agookya
  • Amagye gakutte abaserikale abalala 2 ku by'okutta Kaweesi

Amagye gakutte abaserikale abalala 2 ku by'okutta Kaweesi

By Stuart Yiga

Added 25th June 2018

AMAGYE n’ekitiongole kya CMI nga bali ne ISO bakutte abaserikale ba Poliisi abalala babiri ku by’okuttibwa kwe yali omwogezi wa Poliisi AIGP Andrew Felix Kaweesi.

Kaweesi703422 703x422

Abaakwatiddwa kuliko eyali omukuumi wa SSP Nixon Agasirwe Karuhaga, ayitibwa Herbert Ahaisibwe wamu ne Wilson Ategeka.

Kigambibwa nti Ahaisibwe y’omu ku baserikale Nixon be yali akozesa okuluka misoni enkambwe era nga okukwatibwa kwe bambega balowooza nti kwakubongera amaanyi mu kuzuula abatta Kaweesi n’okuwamba ssaako okukukusa Abanyarwanda abanoonyi b’obubudamu ko n’okubatta.

Ensonda zategeezezza Bukedde nti, amagye olwakwata Nixon, olwo musajja we eyali amukuuma Ahaisibwe, n’asigala ng’addukanya bizinensi ze ez’ekyama, era nga gye buvuddeko yasangiddwa ng’anoonyeza ebimu ku by’obugagga bye akatale sso nga bibadde bikyanoonyerezebwaako.

Ahaisibwe yakwatiddwa abaserikale ba ISO akawungeezi ku Lwokutaano lwa wiiki ewedde wamu ne munne ayitibwa Wilson Ategeka.

Kigambibwa nti Ategeka abadde amanyiddwa nnyo mu kukutula diiru za zzaabu nga yeeyambisa emmundu era nga lumu yakwatibwaako n’atwalibwa ne mu kkomera e Luzira kyokka oluvannyuma n’ateebwa mu ngeri egambabibwa okuba empange.

Ensonda wabula ziraga nti engeri gy’aludde ng’akola ne Nixon, yandikozesebwa ng’omujuliri okulumiriza eyali mukamawe.

Bano beegasse ku baserikale abalala abazze bakwatibwa ku misango okuli ogw’okutta AIGP Andrew Felix Kaweesi wamu n’okubuzaawo Abanyarwanda abanoonyi b’obubudamu.

 

More From The Author

Emboozi z’omuwandiisi endala

Emboozi endala

Kibowa13webuse 220x290

Abakyala mwekolemu ebibiina mufune...

Abakyala b'e Mukono bakubiriziddwa okwekolamu ebibiina bafune ku ssente za Gavumenti ezitaliiko magoba n'okuwagira...

Acaya1webuse 220x290

Omuyizi akoze mmotoka ne yeewuunyisa...

Omuyizi Francis Ocaya akoze mmotoka ne yeewuunyisa Ababaka ba Palamenti ne bamusuubiza omulimu

Abamukubamusigansimbiabataddemuensimbiokuzimbazikabuyonjongabawayaamunabamukubaanawebuse 220x290

Temusimbira nkulaakulana kkuuli...

Abagirimaani bazimbidde essomero ly'e Ntenjeru kaabuyonjo ey'omulembe

Omulyangogwambabaziogwateeredwaakoebyokoolawebuse 220x290

Ebigambibwa okuba ebyokoola bisasamazza...

Omusaayi ogumansiddwa ku luggi lw'omutuuze nga kuliko ebbaluwa etiisatiisa okufa okumusemberedde bisattizza ab'e...

Abolukiikolwamukonodevelopmentforummdfngabatandiseokukolaemirimugyabwe 220x290

Olukiiko oluyamba Mmeeya okukulaakulanya...

Olukiiko olw'okuyambako Mmeeya w'e Mukono okukulaakulanya ekibuga lusomeseddwa ku nkola y'emirimu gyalwo