TOP
  • Home
  • Agawano
  • Bamukutte lwa kusibira baana be mu nnyumba

Bamukutte lwa kusibira baana be mu nnyumba

By Moses Lemisa

Added 25th June 2018

TAATA asibira abaana be mu nnyumba n'agenda ku mulimu abatuuze bamulonkomye ku poliisi n'akwatibwa n'aggalirwa.

Siba1 703x422

Kimezze ng'ali ku Poliisi n'abaana be

Isma Kimezze ,30, ow’omu  Dobbi zooni mu muluka gwa Makerere III  ng'atunda byennyanja mu katale ka Kizito ku Kaleerwe y'akwatiddwa poliisi y’oku Kaleerwe oluvannyuma lw’abatuuze okumulonkoomayo bw'akudde ng'asibira abaana be; Amina Nakamate (8) ne Ajarah Nansereko (4)  mu nju.

Poliisi ng'eyambibwako Paul Mukwaya, ssentebe w’ekitundu  baanoonye  Kimezze ku mulimu n’abakulemberamu w'apangisa ne bamulagira okuggulira abaana.

Abatuuze baategeezezza nti  abaana  balina kuba ku ssomero naye tebamanyi lwaki kitaabwe abasibira mu nju nga bagamba nti amasannyalaze gasobola okukwata omuliro ne bafiira mu nnyumba oba si ekyo n’okufa ekiziyiro.

Kimezze ng’ali ku poliisi ategeezezza nti si muze gwe kusibira baana mu nju wabula kyavudde ku nnyaabwe kugenda mu kyalo n'alaba nga talina gw'ayinza kubalekera  kuba ekiwamba baana kisusse so nga n'omulimu gwe gumwetaagisa okukeera ku ssaawa 11 ez’oku makya n’asalawo okubasibiramu nga talina gwe yeebuuzizzaako.

  baana abaabadde baggalidwa nga babagulidde Abaana abaabadde baggalidwa nga babagulidde

 

“Afande abaana bange mbaagala naye  maama waabwe alina omulwadde mu kyalo kye kyavuddeko okubasibiramu nga sirina gwe mbalekera ng’ate mbeera eriwo mu ggwanga mbi naye ng’abaana era basoma, ” Kimezze bwe yategeezezza abaserikale.

More From The Author

Emboozi z’omuwandiisi endala

Emboozi endala

Yiga 220x290

Ebiwalirizza Paasita Yiga okuddukira...

PAASITA Yiga Mbizzaayo nga tannasitula kugenda South Afrika, yasoose kutunda makaage agali e Mmengo era gwe yagaguzizza...

Waaka 220x290

Embwa 10 ziridde omwana emisana...

EKIKANGABWA kibuutikidde abatuuze b’e Kyengera mu zooni ya Mugongo ‘B’ ekisangibwa mu Wakiso, embwa bwe zikkakkanye...

Nara 220x290

Poliisi etadde ebiragiro ku bifo...

POLIISI eyisizza ebiragiro ku bizimbe n’ebifo awakung’aanira abantu abangi okwetangira abatujju abaakubye Kenya....

Pati 220x290

Abaasimattuse abatujju e Kenya...

EGGULO ku Lwokusatu mu biseera eby’okumakya, pulezidenti wa Kenya yayogedde eri eggwanga n’ayozaayoza ebitongole...

Vutu 220x290

Kamera gwe yakwata ng'abba essimu...

OMUVUBUKA eyanyakula essimu ku musaabaze mu takisi n'adduka nayo asimbiddwa mu kkooti ya Buganda Road n'avunaanibwa...