TOP
  • Home
  • Amawulire
  • Taata w'omuyimbi Chris Evans agudde mu kabuyonjo n'afiiramu

Taata w'omuyimbi Chris Evans agudde mu kabuyonjo n'afiiramu

By Musasi wa Bukedde

Added 26th June 2018

TAATA w’omuyimbi Chris Evans Kaweesi agudde mu kaabuyonjo n'afiiramu oluvannyuma lw'okumalamu ebbanga ng'alaajana okuyambibwa ne wataba ayamba!

Tata 703x422

Kitaawe wa Chris Evans omuto eyafudde

Bya MARY ANTHONY NANTAMBI 

Benard Ssonko (70) taata wa Chris Evans omutto abadde omutuze w'e Kajjansi mu zooni ya Nakigalala y'agudde mu kaabuyonjo y'ewaka we bw'adde agenze okweyamba.

Sam Lutwama ng’ono ye ssentebe w’ekitundu kino agamba nti ekireetedde kaabuyonjo eno okuggwayo ye nnamutikwa w’enkuba eyatonnye okumala ennaku bbiri  ekyareetedde amazzi okuyingira mu seminti n'anafuwa.

Pasco Muyingo  mulirwana w’omugenzi Ssonko agamba nti ku ssaawa 4:30 ez'oku makya ng'enkuba ekedde yagenzeeko mu maka g’omugenzi wabula yamusanze munakuwavu kubanga wirubalo ye yabadde ebbiddwa abantu abatannamanyikibwa era olwamaze okumutegeeza ekiriwo n'amugamba k'asooke agendeko mu kaabuyonjo kubanga yabadde teyeewulira bulungi.

Muyingo ayongeddeko nti yabadde ku bodaboda ye nga yesigamye yazzeemu okuwulira nga Ssonko alaajana nga bwaasaba okumuyamba kubanga yabadde aguddeyo.

Yalagidde omwana n'agenda okusaba abatuze baleete eddaala n’omuguwa basobole okuggya Ssonko mu kaabuyonjo.

Ebyembi eddala n’omuguwa byabuze mu kadde ako , baagenze okubifuna nga n'ekiseminti kya kaabuyonjo kyonna kiguddemu ne kimubuutikira bw'atyo n'afiiramu.

Nga wayise ebbanga poliisi y'e Kajjansi yazze n'ennyulula omulambo ne gutwalibwa mu ddwaaliro e Mulago gye gwaggyiddwa omugenzi n'aziikibwa n'aziikibwa e Makandwa.

 

More From The Author

Emboozi z’omuwandiisi endala

Emboozi endala

Sevo 220x290

Museveni ayongedde ggiya mu kulwanyisa...

PULEZIDENTI MUSEVENI ayongedde ggiya mu kulwanyisa abali b’enguzi era n’awa amagezi abawa abantu emirimu mu bitongole...

Ppp2 220x290

Abantu 20 be bafa obulwadde bw'akafuba...

Bebe Cool akoowoodde Bannayuganda okumwegattako mu kulwanyisa obulwadde bw’akafuba emu ku ndwadde zi nnamutta mu...

Ucumussanyu9214 220x290

UCU Lady Canons ewangudde n'edda...

JKL Dolphins yeetaaga kuwangula nzannya bbiri ku UCU Lady Canons okusitukira mu kikopo kya sizoni eno.

Hat12 220x290

Bebe Cool atongozezza Kampeyini...

Bebe Cool atongozezza Kampeyini y'okulwanyisa TB oluvannyuma lw'okusaka ensimbi ezikunukkiriza obuwumbi bubiri...

Freskid10 220x290

Fresh Kid akunze abato okweyiwa...

Fresh Kid akyaddeko ku kitebe kya Vision Group n'akunga abazadde okuleeta abaana baabwe mu kivvulu kya Toto Christmas...