TOP
  • Home
  • Amawulire
  • Olutalo lwa Justine Nameere ne Faridah Nakazibwe luzzeemu

Olutalo lwa Justine Nameere ne Faridah Nakazibwe luzzeemu

By Musasi wa Bukedde

Added 29th June 2018

Olutalo lwa Justine Nameere ne Faridah Nakazibwe luzzeemu

Don1 703x422

Faridah Nakazibwe ku kkono ate Justine Nameere ku ddyo

OLUTALO wakati w’abakozi ba ttivvi Faridah Nakazibwe ne Justine Nameere lukyalanda. Nameere asabye kkooti enkulu esazeemu olugendo lwa Nakazibwe mu Amerika. Mu kusaba kwe, Nameere agamba nti ategeddeko nti Nakazibwe bw’agenda mu Amerika tagenda kudda ekitegeeza nti omusango gwe yamuwawaabira okumulebula ajja kuba agwepenye.

Gye buvuddeko Nakazibwe yafunye ddiiru y’okubeera MC mu lukuhhaana lwa ‘The Uganda festival’ mu Amerika olw’okubeerawo wakati wa September 30 - October 3, 2018 ku Gaylord National Resort Hotel mu Washington DC. Nameere agamba nti okuggyako Nakazibwe okukola ku ttivvi (NTV), talina mulimu mulala. Nga mu mbeera eno alina okuleka omusingo ogw’amaanyi mu kkooti ogunaamuwaliriza okukomawo mu Uganda.

Olutalo lwa bano baalutandikira ku Facebook, Nakazibwe bwe yateekako ekiwandiiko ng’agamba nti akooye Nameere okumusojjanga ng’aweereza bba (Omar Ssali) obubaka obumuggya ku mulamwa gw’obufumbo bwabwe.

Nakazibwe alumiriza Nameere okukozesa amannya agatali gage (Jojo Bella) ku Facebook n’aweereza bba obubaka obumwonoona n’ekigendererwa eky’okutta obufumbo bwe. Era ekimu ku biwandiiko kyalimu amannya g’abasajja abagambibwa nti baganzi ba Nakazibwe. Nameere mu kwewozaako naye yasooka ne yeeyambisa Facebook ne yeegaana ebimwogerwako Nakazibwe ng’agamba nti ono kalebule yennyini.

Nameere agamba nti poliisi ya Kira yaakayita Nakazibwe enfunda bbiri aleete obujulizi bw’alina babunoonyerezeeko gye buva ne balooya be ne bamuwandiikira kyokka Nakazibwe yagaana okugenda ku poliisi yadde okuddamu balooya.

Kino kyawaliriza Nameere okutwala Nakazibwe mu kkooti amuliyirire ssente obukadde 500 olw’okumwonoonera erinnya ng’amusibako nga bw’amwonoonera obufumbo bwe kyokka nga ye (Nameere) mukyala mufumbo alina n’abaana. Ku musango gwe yatwalayo, Nameere kwe yasinzidde okusaba kkooti eyimirize olugendo lwa Nakazibwe mu America kubanga ayinza okubulirayo n’atadd

More From The Author

Emboozi z’omuwandiisi endala

Emboozi endala

Sit114 220x290

Gavumenti etandikidde Bwaise okugaba...

Gavumenti etandikidde Bwaise okugaba emmere

Fud1 220x290

Omugagga Ham awaddeyo obukadde...

Omugagga Ham awaddeyo obukadde 100 okudduukirira abali obubi olw'embeera ya Corona Virus

Denisonyango1703422 220x290

Coronavirus atta - Onyango

KAPITEENI wa Cranes, Denis Onyango, akubirizza Bannayuganda okwongera okwegendereza ssennyiga omukambwe 'COVID-19',...

Nakanwagigwebaalumyekoomumwa1 220x290

Emmere etabudde omukozi wa KCCA...

OMUKOZI wa KCCA alumyeko muliraanwa we omumwa ng’amulanga okutuma omwana okubba emmere ye, naye abatuuze bamukkakkanyeko...

Hell 220x290

Gav't etaddewo kampeyini ya ‘TONSEMBERERA’...

Gavumenti etaddewo kampeyini etuumiddwa “TONSEMBERERA” mw’eneeyita okutangira okusaasaana kwa ssennyiga wa coronavirus....