TOP
  • Home
  • Agawano
  • Okujjuza ekifo kya Abiriga kwa August 15

Okujjuza ekifo kya Abiriga kwa August 15

By Musasi wa Bukedde

Added 1st July 2018

AKAKIIKO k’ebyokulonda kataddewo olunaku lwa August 15 okulonderako okujjuza ekifo ky’omubaka wa munisipaali ya Arua.

Abirigayellow703422 703x422

Omugenzi Abiriga

Kino kiddiridde eyali omubaka wa munisipaali eno mu Palamenti, Ibrahim Abiriga okutemulwa ku ntandikwa y’omwezi guno.

Akulira akakiiko k’ebyokulonda, omulamuzi Simon Byabakama yasinzidde mu lukuhhaana lwa bannamawulire ku Lwokuna ku kitebe ky’akakiiko k’ebyokulonda e Kampala n’alambulula enteekateeka zino.

Byabakama yategeezezza nti okuva nga July 5 okutuuka nga July 9, wagenda kubaawo okwekenneenya enkalala z’abalonzi n’okuzizza obuggya n’okuwandiisa abalonzi abapya.

Yategeezezza nti nga July 9 lwa kuwandiisa abagenda okwetaba mu kulonda.

Nga July 11 okutuuka 12, akakiiko kagenda kuteekawo abakungu okwekenneenya enkalala z’abalonzi olwo zitimbibwe ku kitebe ky’akulira eby’okulonda mu disituliti ye Arua ne ku kitebe kya munisipaali ye Arua nga kino kyakukomekkerezebwa nga July 17.

Akakiiko kagenda kuteekawo okutendeka abagenda okukulemberamu okulondesa nga July 16 okutuuka 17 olwo nga July 18 okutuuka 27, enkalala z’abalonzi zitwalibwe mu buli kifo awagenda okulondebwa mu munisipaali.

Okwewandiisa kw’abagenda okuvuganya ku kifo kino kwa nga July 19 ne 20 olwo akakiiko keekebejje empapula z’abeesimbyewo okutuusa nga July 23 omwaka guno olwo okunoonya akalulu kutandike nga July 23 okutuuka August 13.

Okulonda kwa August 15 omwaka guno.

More From The Author

Emboozi z’omuwandiisi endala

Emboozi endala

Unit8 220x290

Enjawulo etabudde Aganaga ne Chris...

NGA tegunnawera mwaka ng’abayimbi Aganaga ne Chris Johnz batadde emikono ku ndagaano ey’okukolera awamu, baawukanye...

Gd1 220x290

Omugagga Ham ne Kirumira banaazizzaako...

Omugagga Ham ne Kirumira banaazizzaako Sheikh Muzaata ennaku ya January

Kanta 220x290

‘Muntaase ku baana bange abanzibako...

OMUKADDE ow’emyaka 93 atabuse n’abaana be ng’abalumiriza okubeera mu kkobaane erimugoba ku ttaka lye balyeddize....

Bonnyjpgweb 220x290

Abadde ayanula engoye z'abatuuze...

Bonny Tamale omutuuze w'oku Kalerwe Kiggundu Zooni y'asimattuse okuttibwa abatuuze b'e Bwaise oluvannyuma lw’okumusanga...

Agende 220x290

Kkooti egobye egimu ku misango...

KKOOTI y’e Nakawa egobye omusango gw’obuyeekera ogwali gwaggulwa ku basajja 14 abagam- bibwa nti beenyigira mu...