TOP
  • Home
  • Amawulire
  • Abakozesa 'Social Media' balabuddwa ku kwepena omusolo ogwa 200/-

Abakozesa 'Social Media' balabuddwa ku kwepena omusolo ogwa 200/-

By Musasi wa Bukedde

Added 3rd July 2018

EKITONGOLE ekivunaanyizibwa ku kuluhhamya eby’empuliziganya mu ggwanga (UCC) kiragidde kkampuni z’amasimu eziguza abantu yintanenti zigule tekinologiya alondoola n’okukugira abeewala okusasula omusolo ogwa 200/-.

Sanktpetersburgrussiaseptemberiphonesplusiconssocialmediascreensmartphonelifestylesmartphonestarting100557885 703x422

Gavumenti olwaleese omusolo gwa OTT tax gw’osasula okufuna emikutu gya ‘social media’, n’abantu ne basala amagezi okukozesa emikutu nga VPN (Virtual Private Network) n’emirala okwewala okugusasula.

Wano UCC w’esinzidde okulagira ab’amasimu ku beepena omusolo. Bino byavudde mu nsisinkano gye baatuddemu eggulo, omwabadde Ying. Godfrey Mutabaazi akulira UCC, ekitongole ekiwooza emisolo URA, kkampuni z’amasimu n’ebitongole bya gavumenti ebirala.

Avunaanyizibwa ku nsonga z’abantu abakozesa emikutu gy’empuliziganya mu UCC, Ibrahim Bbosa yategeezezza Bukedde nti mu nsisinkano bakkaanyizza nti kkampuni z’amasimu zirina okugula tekinologiya ono n’okusomesa abantu ebirungi ebiri mu kuwa omusolo gwa OTT(Over The Top) ogwatandise ku Ssande.

Minisita w’Ebyensimbi Matia Kasaija omusolo guno yagwanjudde nga June 14, 2018 ng’asoma bajeti. UCC n’ebitongole ebirala baasazeewo okuddamu okusisinkana nga wayiseewo wiiki bbiri bongere okwetegereza ebyasaliddwaawo we bituuse.

BAWAWAABIDDE GAVUMENTI

N’abakozesa amasimu tebatudde. Eggulo baatutte omusango mu kkooti etaputa Ssemateeka nga bawawaabira gavumenti ne UCC olw’omusolo gwa 200/- omuntu gw’alina okusasula buli lunaku okusobola okufuna empeereza ku WhatsApp, Facebook, twitter n’emirala.

Abaddukidde mu kkooti kuliko: Daniel Opio, Moses Baguma, Emmauel Okiror, Silver Kayondo ne Raymond Mujuni nga bali wamu ne kkampuni ya Cyber law Initiative Uganda Ltd.

Bagamba nti omusolo guno gwayisibwa lwa nsonga za byabufuzi si lwa bulungi bwa bantu era gumalako abantu eddembe lyabwe.

Baawadde ensonga nti gugenda kuyingirira nnyo ebyenfuna by’abantu n’okuyingirira emikutu gy’amawulire egikozesa yintaneti okuguza abantu amawulire ne bagasomera ku ‘website’.

Bagamba nti gugenda kulemesa abantu okutandikawo emirimu so nga gavumenti ebakubiriza okubeera abayiiya.

UCC bagivunaana okukkiriza URA okuggya ku bantu omusolo guno era baagala ennyonnyole lwaki gavumenti tewa bantu yintaneti ya bwereere ng’amawanga amalala bwe gakola.

Omusolo tegwakomye ku bakozesa WhatApp, wabula n’abakozesa Mobile Money okusindika ssente bakaaba kubanga ssente ezisalibwako ng’oteeka ssente ku ssimu n’okuggyayo zeeyongedde.

More From The Author

Emboozi z’omuwandiisi endala

Emboozi endala

Kola 220x290

Boofiisa ba poliisi Muhangi ne...

EYALI akulira ekitongole kya Flying Squad, Herbert Muhangi abadde amaze emyaka ebiri mu kkomera ng’avunaanibwa...

Na 220x290

‘Mukebere nnamba z’essimu okuzuula...

AKAKIIKO akavunaanyizibwa ku by’empuliziganya mu ggwanga aka Uganda Communication Commission (UCC) kalagidde abakozesa...

A1 220x290

Ekyabadde mu ntujjo ya ‘Floral...

Ekyabadde mu ntujjo ya ‘Floral & Cocktail Party’ e Munyonyo ebyana gye byalagidde emisono n’emibiri nga bwe balya...

Afrigo 220x290

Lutalo ekintu akyekwatiddemu

OMUYIMBI w’ennyimba za laavu, David Lutalo (ku ddyo) kirabika akooye bapulomoota okumulyako ssente.

Tege 220x290

Kyokka mwana ggwe Lydia Jazmine!...

MWANAMUWALA Lydia Jazmine abamu gwe bayita muninkini wa gundi yamalayo. Akola bimusanyusa nga tafuddeyo ku bantu...