TOP

Enguumi kata emuwogole oluba

By Musasi wa Bukedde

Added 3rd July 2018

Enguumi kata emuwogole oluba

Konde 703x422

Faisal Kirunda owa Busoga Boxing Club (ku ddyo) katono awogole Abdul Kamya owa Kololo High Boxing Club oluba bwe yamukubye eng’uumi musosolandaggu. Bano baabadde mu mpaka za ‘National Boxing Intermediates’ e Katwe ku Ssande.

Kiraabu ya Lukanga yawangudde empaka z'ebikonde eza ‘National Boxing Intermediates’ oluvannyuma lw'okusinga endala obubonero ku mitendera egy'enjawulo ku fayinolo eyabumbujjdde ku kisaawe kya Katwe - Katale Zooni.

Okuva empaka lwe zaatandika, Police ezze ereebya kiraabu endala era wadde yasitukidde mu kikopo kya bakafulu (Elites), tekyagyeyimiridde.

Lukanga yamazeeko nga ye kyampiyoni bwe yakuhhaanyizza obubonero 46. Ku mutendera gw’abato, Lukanga yaziwangudde n’obubonero 24 n'eddirirwa Sparks Boxing Academy ku 17.

Mu bavubuka, Lukanga yakutte kyakubiri ku bubonero 15 nga yaddiridde Kololo High (31). Mu bakulu Lukanga yafunye obubonero 4 sso nga Police yawangulidde ku 14.

Mu bakazi, Lukanga yawangudde n'obubonero 6. Nnannyini kiraabu ya Lukanga, Samuel 'Don King' Lukanga yagambye waakwongera okussa ssente mu ttiimu ye ng'agula abazannyi eyongere okufufumya endala.

Fayinolo yeetabiddwaako omubaka wa Palamenti owa Makindye West, Allan Ssewanyana, amyuka omudumizi wa poliisi, Andrew Sorowen ne pulezidenti w’ekibiina ky'ebikonde mu ggwanga, Moses Muhangi abaweze okukwatira awamu bazze ebikonde ku maapu.

Abazannyi 169 okuva mu kiraabu 30 be beetabyemu mu mpaka ezaawedde ku Ssande.

More From The Author

Emboozi z’omuwandiisi endala

Emboozi endala

Bike3 220x290

Aba ddigi balwanira bubonero

Abavuzi bajja mu nsiike eno nga bali ku lutalo lw’akulwanira bubonero bubatuusa ku buwanguzi kuba kumpi buli mutendera...

Img3669webuse 220x290

Okwennyamira kwali kunnessizza...

Okusosolebwa n'okuyisibwamu emimwa kwe nayitamu olw'okuzaalibwa n'akawuka ka siriimu byannennyamiza katono nnette...

Ondup 220x290

Mbabazi asuddewo Onduparaka

Oluvannyuma lw'okubanja okumala ebanga, Livingstone Mbabazi asudde Onduparaka.

Ura12 220x290

Ssimu ne Ssimbwa basisinkanye mu...

Sizoni ewedde e Namboole URA yamegga Express ggoolo 1-0 eyateebwa Ronald Kigongo wabula omutendesi Ssimwogerere...

Cancerdrbalagadde2webuse 220x290

Abaana abafuna obulwadde bwa kookolo...

Abaana abalwala kookolo beeyongedde wadde nga ssinga bafunye mangu obujjanjabi bawona