TOP

Nambooze bamututte mu Buyindi ng’ali ku ccupa

By Hannington Nkalubo

Added 5th July 2018

OMUBAKA Betty Nambooze Bakireke owa munisipaali y’e Mukono ennyonyi yagirinnye bamutaddeko amacupa agamuyamba okukkakkanya ku bulumi.

Anda 703x422

Nambooze ng’aggyibwa mu ddwaaliro e Bugoloobi okutwalibwa mu Buyindi okulongoosebwa.

Zaabadde ssaawa 9:00 ez’olweggulo n’ateekebwa ku nnyonyi ya United Arab Emirates eyamututte mu Buyindi.

Yabadde awerekeddwaako bba Henry Bakireke, omusawo we Maureen Abuni ne muwala we.

Ku kisaawe yatuukidde mu ambyulensi ya Palamenti ng’eno ye yabadde emuggye ku ddwaaliro e Bugoloobi gye yavudde ku ssaawa 6.00 ez’emisana.

Nambooze agenze kuddamu kulongoosebwa eggumba ery’omugongo oluvannyuma lw’ebyuma bye baamussaamu okuseeseetuka ekimu bwe kyamenyeka erinnyo erigambibwa nti lye lyavaako obulumi obutasalako.

Nga tannasitula, yategeezezza nti agenda kutuuka ku ddwaaliro e Buyindi leero lwa Lwakuna ku ssaawa 4.00 ez’oku makya era agenda kusanga abasawo bamulindiridde n’emmotoka etambuza abalwadde.

Yategeezezza nti bagenda kusooka kumwekebejja nga tannaba kulongoosebwa okukakasa engeri ebyuma bye baamussaamu gye byaseeseetuka.

Yategeezezza nti okusinziira ku bulumi n’embeera gye yeewulira, bagenda kuddamu kumulongoosa.

Yalese alagidde balooya be abakulirwa loodi Meeya Erias Lukwago nti baggule omusango ku baserikale ba poliisi abaamutulugunya nga bamukuba n’okumutomeza kabangali yaabwe bwe baali bamutwala mu ddwaaliro e Kiruddu.

Yagambye nti ne Gavumenti agenda kugiwaabira okumutulugunya mu ngeri eyinza n’okuggyawo obulamu bwe.

Yategeezezza nti balooya bateekwa okuggyawo ekiragiro kya poliisi kye yamuyisaako nti bakebere essimu ze.

Obulwadde bwa Nambooze okusajjuka yali akwatiddwa poliisi ng’emuvunaana okuwandiika ebigambo ku mikutu gy’amawulire ebisasamaza ku nfa ya mubaka munne, Ibrahim Abiriga eyakubwa amasasi.

Nambooze agambye nti asuubira okumalayo wiiki ssatu nga yeekebejjebwa era bw’anadda agenda kuddamu yeerwaneko mu kkooti.

Poliisi yakkiriza Nambooze okweyimirirwa ku kakalu kaayo n’emulagira addemu yeeyanjule nga July 29 omwaka guno yennyonnyoleko ekyamuwandiisa ebigambo ebisasamaza ku Abiriga.

More From The Author

Emboozi z’omuwandiisi endala

Emboozi endala

Laga 220x290

Aba NRM ababeera mu mawanga g'ebweru...

SSABAWANDIISI wa NRM Kasule Lumumba asabye Bannayuganda abali mu mawanga g’ebweru okukomya okusiiga ensi yabwe...

Pata 220x290

Babakutte balimira mu kibira ky’e...

OMULAMUZI akulira kkooti ento e Masaka, Deogratious Ssejjemba yeesitudde n’agenda e Kasanje mu ggombolola y’e Kyesiiga...

Mate 220x290

Babakutte balimira mu kibira ky’e...

POLIISI y’e Mpigi ngeri wamu n’abakulira ekitongole ky’eby’ebibira mu ggwanga ekya National Forest Authority (NFA)...

Gano 220x290

Omugagga asenze ebintu bya Klezia...

KLEZIA n’abatuuze abalina ebibanja ku kyalo Nkakwa mu ggombolola y’e Ssi - Bukunja mu disitulikiti y’e Buikwe,...

Wanga 220x290

Obwaddereeva buliko emyaka gy’otolina...

OLUVANNYUMA lw’Omulangira Phillip bba wa Kwiini wa Bungereza, Elizabeth okufuna akabenje ng’avuga mmotoka ku myaka...