TOP

Gitawo yeepikira mpaka z'eby'emisono

By Musasi wa Bukedde

Added 5th July 2018

Ng'empaka z'eby'emisono eza Abryanz Style & Fashion Awards zisembedde, Cameroon Giatwo ali mu kwogerezeganya nabategesi okumugatta ku mpaka z'omwaka guno.

Git2 703x422

Gitawo n'emu ku mmotoka ze mwalira obulamu

Gitawo yeepikira mpaka z'eby'emisono, ayagala kudda mu kya Jack Pemba.

 

Omwaka oguwedde, Jack Pemba omu ku bavubuka abamanyiddwa okulya obulamu mu Kampala yalaga amaanyi n’okwongera ebbugumu mu mpaka za 'Abryanz Style & Fashion Awards 2017' bwe yaziyiwamu obukadde 100.

 

Olw’ebbanga ly’amaze ng'asiriikiridde, atubidde mu bizibu ekireetedde n’abantu okulowooza nti yaggwaamu, Cameroon Gitawo avuddeyo agamba ayagala kudda mu kifo kye.

 

Ow’olugambo waffe atutegeezezza nti Gitawo (Chris Mbibo) omu ku Bannayuganda abakolera e South Africa abamanyiddwa okuyingirawo mu ggwanga ne bavuganya mu kumansa ssente n’okulya esswagga ali mu kwogerezeganya ne Abryan omutegesi w’empaka zino okulaba nti yeegatta ku mpaka z'omwaka guno era asuubiza okuteekamu obukadde 50.

 

Wadde ddiiru tabannaba kugikutula, Gitawo ng’ayita ku mukutu gwe ogwa Facebook  yagambye nti “ab’e South Africa temufaayo ku mulundi guno ng’enda kubakiikirira mu mpaka za Abryanz”

 

Waliwo omu ku mikwano gya Gitawo ataayagadde kumwatuukiriza mannya eyatugambye nti Gitawo yasoose kwagala kuteekebwa ku lukalala lw’abagenda okuvuganya ku ngule y’omwambazi w’emisono asinga oba sereebu w’omwaka kyokka olw’okutya okumusinga bino yabivuddeko.

 

Singa ddiiru eyitamu, Gitawo eyeetanira eby'omisono ng'ogyeko okulaga ky'alinawo ajja kufuna omukisa okulinnya ku siteegi ey’omulembe okugaba engule eri abawanguzi.

More From The Author

Emboozi z’omuwandiisi endala

Emboozi endala

Oo112 220x290

Gav't eyisizza ekiteeso ky'okukuza...

OLUKIIKO lwa baminisita luyisizza ekiteeso ky’okukuza ebibuga mwenda mu ggwanga okuva ku ddaala lya munisipaali...

Vanilla1 220x290

Gav't etadde amateeka amakakali...

GAVUMENTI ereese amateeka amapya ku kulima n’okutunda Vanilla agagenda okuyamba okukuuma omutindo gw’ekirime kino...

1280pxparliamentofuganda 220x290

Palamenti etadde gav't ku nninga...

AKAKIIKO ka palamenti akalondoola ebisuubizo bya gavumenti katadde gavumenti ku nninga olw’okulemererwa okutuukiriza...

Capture 220x290

Omukazi alina ettutumu ng’oli wa...

Nneetaaga mukyala ow’obuvunaanyizibwa, alina ettutumu, ow’ebbeeyi omusawo, omubaka wa palamenti, looya n'abalala....

Unity 220x290

Njagala eyeetegese okuwasa

Nneetaaga omwami okuva ku myaka 40 n’okweyongerayo, atya Katonda, alina empisa nga mwetegefu okukola obufumbo n'okwekebeza...