TOP

Abagenda okuwozesa Kayihura babalayizza

By Musasi wa Bukedde

Added 10th July 2018

Lt. Gen. Andrew Gutti olumaze okulayizibwa ku kisanja kye ekyokusatu mu kkooti y’amagye n’alangirira nga bwe waliwo ekipya ekijja wiiki ejja.

Sabi 703x422

Lt. Gen. Andrew Gutti

Gutti yalayiziddwa ku Mmande ne bannamagye abalala 16 bwe bagenda okuddukanya emirimu mu kkooti y’amagye e Makindye.

Ono yalondebwa Pulezidenti mu June omwaka gwa 2016 okumalako ekisanja kya Maj. Gen. Levi Karuhanja eyafa mu April wa 2016. Mu June wa 2016 yalayira ekisanja kye mu butongole era ng’eggulo yakutte kisanja kye ekyokusatu nga ssentebe wa kkooti eyo.

Gutti yalayiziddwa omuwabuzi wa kkooti eno mu by’amateeka Col. Richard Tukachungurwa era ng’ono y’omu ku bapya abaalondeddwa okukola naye mu kisanja kino.

Abalala abaalondeddwa kuliko; Brig. Joseph Arocha, Maj. Sarah Navuga, Maj Henry Sserugo, Capt. Teopisita Girama Opar, Capt. Paul Mugerwa, W01 Paul Kamya, Col. Jame Rubahika, Maj. David Mbabazi Karyabashihsa, Maj Frank Tumwesigye ne W01 Jimmy Omara.

Oludda oluwaabi lwakukulirwa Maj. Raphael Mugisha nga waakuyambibwako Capt. Samuel Masereje ne Lt. Ambrose Baguma.

Wabula Gutti bw’abadde asiibula bannamawulire abaabadde basigadde nga bakuba ebifaananyi mu Kkooti eno abategeezezza nti wiiki ejja temugisubwa kuba esuubirwa okusabuukulula ekipya akaseera konna.

Kino bannamawulire baafulumye kkooti nga buli omu agamba nti ndowooza Gen. Kale Kayihura y’ayinza okulabikako.

Akakiiko ka kkooti bwe kaabadde tekannaba kulayizibwa, waasooseewo akafubo akatakkiriziddwaamu bannamawulire era nga kaakulungudde essaawa ezisoba mu ssatu kyokka oluvannyuma kyazuuliddwa nti omuwabuzi wa kkooti mu by’amateeka Col. Katinda yabadde akwasa Col. Tukachungurwa eyamuddidde mu bigere w’ofiisi n’okumuyitiramu buli kimu nga bwe kirina okutambula.

Okulayira olwawedde abantu bonna okwabadde n’abaamawulire baalagiddwa okufuluma abaalondeddwa ku kakiiko ne baddamu okwenvumba akafubo.

Oluvannyuma kyategeerekese nti baabadde bagabanyizibwa buvunaanyizibwa.

More From The Author

Emboozi z’omuwandiisi endala

Emboozi endala

Lab2 220x290

Engeri gy’olina okwewala okuferebwa...

Engeri gy’olina okwewala okuferebwa ku ttaka n’okufi irwa ebyobugagga byo

Hab1 220x290

Taata n’omwana bafudde lumu;Omu...

Taata n’omwana bafudde lumu;Omu bamuziise mu ntaana ya People power omulala mu ya NRM

Kab1 220x290

Dokita eyabuze akwasizza omusawo...

Dokita eyabuze akwasizza omusawo

Broronnie1 220x290

Bro. `Ronnie Mabakai alagudde bannabyabufuzi:...

OMUSUMBA Ronnie Mabakai owa ETM Church esangibwa ku Salama Road e Makindye ne Holy City e Bwerenga azzeemu okulagula...

Komerera4webuse 220x290

Abaana bazannye okufa kwa Yesu...

Abaana bazannya olugendo lw'okufa kwa Yesu ne beewuunyisa abantu e Masajja