TOP

Atuze omwana wa mwannyina lwa kumukaabira

By Musasi wa Bukedde

Added 11th July 2018

OMUSAJJA yeesuddemu embazuulu n’atuga omwana wa mwannyina ow’omwezi ogumu ng’agamba nti asussizza okumukaabirira. Silver Nsonga ow’e Nakabugo ku luguudo lw’e Mityana, ye yatuze Migal Wasswa.

Here 703x422

Omulongo Wasswa eyatiddwa

Jack Bukirwa muliraanwa wa Nnaalongo Mutonyi Mirembe maama w’omugenzi yategeezezza nti Nsonga yafuuka kizibu ku kyalo. Anywa omwenge n’enjaga n’atandika okuvuma abantu nga abantu.

James Mugerwa nga naye abeera ku kyalo kino yagambye nti, baamulabye ng’asika omwana kyokka nga tewali asobola kumwahhanga kubanga yabadde n’amaanyi mangi ne basalawo okukubira poliisi essimu kyokka yagenze okutuuka ng’omwana amaze okumutuga.

Poliisi yamukutte ng’akuumirwa ku poliisi y’e Wakiso.

Moses Walabyeki, ssentebe w’e Nakabugo yagambye nti yawulidde abantu nga bakuba enduulu n’agenda okulaba ekibaddewo n’asanga Nsonga ng’akutte omwana.

Yayanguye okukubira poliisi essimu n’okuggyawo omulongo eyabadde ku mabbali kyokka poliisi yatuuse amaze okumutta.

Walabyeki yasabye abavubuka okukomya okunywa enjaga kubanga eyinza okuba nga ye yawaze Nsonga n’atta omwana wa mwannyina.

Nnaalongo Mirembe yagambye nti, yabadde anaaza omwana mwannyina n’amumusikako n’amukwata mu bulago n’amutuga.

More From The Author

Emboozi z’omuwandiisi endala

Emboozi endala

Benitez22 220x290

Benitez munyiivu olwa Newcastle...

Newcastle yeggyeeko omutendesi Benitez oluvannyuma lw'endagaano ye okuggwaako.

Oketchinstructinghisstudentswebuse 220x290

Oketch obwavu abugobye na kukola...

Mu kukola fulasika z'embaawo mwe nfuna ssente

Wanikaamaguluwebuse11 220x290

Bw'oyamba omuntu azirise nga tonnamutuusa...

By'olina okukola okuyamba omuntu azirise nga tonnamutuusa wa musawo okumutaasa obuzibu obuyinza okumutuukako

Lan1 220x290

Mbogo ne Kibuli beddizza ez'amasomero...

Mbogo ne Kibuli beddizza ez'amasomero mu Badminton

Gr2 220x290

Abagambibwa okutta owa Mobile Money...

Abagambibwa okutta owa Mobile Money babazizza e Zzana