TOP

Kale Kayihura alaajanidde abantu b’e Kisoro

By Musasi wa Bukedde

Added 11th July 2018

GEN. Kale Kayihura gyali mu kkomera ly’amagye e Makindye byongedde okumusobera. Akakodyo k’okusiriikirira buli kye bamubuuza akakozesezza ebbanga kumpi lya mwezi mulamba naye kirabika kagaanyi okukola. Kati asazeewo kuyita mu mukyala we Angella Kayihura.

Level 703x422

Kayihura ng’ajaganya bwe baamuwa ekitiibwa kya Genero.

Okusinziira ku nsonda mu nkambi e Makindye gye baamusibidde, Kayihura yatumye mukyala we amugambire bannabyabufuzi b’e Kisoro bagende bamutokotere Pulezidenti Museveni abeeko ky’ayogera ku misango egimuvunaanibwa olwo afune ekifaananyi ekituufu abeeko w’atandikira.

Kigambibwa Kayihura alowooza nti Pulezidenti Museveni e Kisoro gye bamuzaala (Kayihura) akyalinayo abantu ab’enjawulo bakyakkiririzaamu era bwe banaamusisinkana baggya kusobola okumumatiza nti talina musango bamusibira bwereere ebbanga lino lyonna.

Mu kiseera ky’ekimu Kayihura yasabye ab’e Kisoro bano bamatize pulezidenti Museveni amusisinkane mu buntu nga tebanamutwala mu kkooti kubanga akimanyi nti bw’anaabaako byamubuuza n’amunnyonnyola, ajja kutegeera ekituufu akimanye nti empalana ze zisinze okwetobeka mu nsonga zino.

Kayihura ne banne okuli abaali abaserikale ba Flying Squad eyali eduumirwa Herbert Muhangi n’abalala bakuumirwa ku kitebe kya miritale e Makindye era nga basuubirwa essaawa yonna okutwalibwa mu kkooti y’amagye e Makindye batandike okuwerennemba n’emisango eginaabaggulwako.

More From The Author

Emboozi z’omuwandiisi endala

Emboozi endala

Fire1 220x290

Obubenje bwatuze 32 mu wiikendi...

OMUWENDO gw’abantu abaafi­iridde mu bubenje obwaguddewo ku Ssande gulinnye nga baweze 32.

Aniteweb 220x290

Bamafia baagala kunzita - Anite...

MINISTA omubeezi avunaanyizibwa ku bamusiga nsimbi, Evelyn Anite avuddeyo n’alaajana ku bamafia abaagala okumutta,...

Isabirye1 220x290

Mzee Kifansalira owa NRM bamugoba...

KAKUYEGE wa NRM mu Bwaise, Isabirye Musa amanyiddwa nga “Kifansalira” asula ku tebuukye olwa landiroodi we okumulaalika...

Urawebnew 220x290

URA emalidde mu kyakutaano mu za...

URA FC ewangudde Wakiso Giants mu mpaka za Pilsner Super 8

Mustafi000 220x290

Mustafi wa Arsenal agenda

Roma eya Yitale, ye yagala okumuggya mu Arsenal