TOP
  • Home
  • Amawulire
  • Bagguddwawo ekifo ky'okwolesa eby'obuwangwa bya Bannayuganda e China

Bagguddwawo ekifo ky'okwolesa eby'obuwangwa bya Bannayuganda e China

By Muwanga Kakooza

Added 11th July 2018

ENKOLAGANA ya Uganda ne China eri mu ggiya Omuchina nnagagga bw’agguddewo ekifo ky’okwolesa eby’obuwangwa bya Bannayuganda e China.

Kadagachina1 703x422

Kadaga ne mwami Wang (ku ddyo) mu kutongoza ekifo kino.

Ekifo kino ekiyitibwa ‘’Uganda Cultural Park’’  kigguddwawo ku luguudo Shapping mu disitulikiti y’e Kaifu mu ssaza  ly’e Hunan e China.

Era kyatandikiddwawo Omuchina fugge, Bob Wanga nga kitudde ku bwaguuga bwa yiika 40.             

Kigenda kwolesebwamu eby’obuwangwa bya Bannayuganda, ebibajje by’ebisolo by’omu nsiko ebiri  mu Uganda n’ebintu ebirala ebikwata ku nsi eno n’ekigendererwa ky’okutumbula eby’obulambuzi.             

Wang yagambye nti ekifo kino bagenda kukyongeramu ebintu ebirala okuli ebyafaayo bya Uganda, ebibajje, ebintu ebikolebwa mu Uganda era nga basuubira n’okussaamu ensolo z’omu Uganda gye bujja.

N’agamba nti lino ligenda kuba kkubo ly’okumanyisa Abachina ebifa ku Uganda. 

Kadaga asiimye ekifo kino n’agamba nti kigenda kwongera okumanyisa ebifa ku Uganda kuba kijjumbiddwa nnyo Abachina bangi.

Wabula Kadaga asabye Abachina okujja mu Uganda okulabira ddala ebifa mu ggwanga lino.             

Ategeezezza nti Uganda n’essaza ly’e Hunan gagguddewo enkolaga mu by’obulimi, obulunzi , okusima eby’obugagga bw’omu ttaka , eby'amakolero n’ebintu ebirala n’asiima abakulembera essaza lino olw’okuyamba okumanyisa ebikolwa mu Uganda.   

Kadaga era akunze Bannayuganda okujjumbira okulambula ensi yaabwe.

More From The Author

Emboozi z’omuwandiisi endala

Emboozi endala

Funa1 220x290

Omuwala omulala bamuwambye ne bamutta...

OMUWALA omulala azuuliddwa ng’attiddwa mu bukambwe omulambo gwe ne bagusuula okumpi n’omwala e Namasuba mu Kikajjo....

Papa 220x290

Maama Fiina agulidde Abasiraamu...

ABASIRAAMU baweereddwa amagezi okukomya okulowooleza mu kulwanagana ng’engeri yokka ey’okumalawo obutakkaanya nga...

Stella 220x290

Stella Nyanzi agobye abamweyimirira:...

STELLA Nyanzi yeecwacwanidde ku kkooti ya Buganda Road n’agaana mikwano gye n’aba famire ye okuddamu okumweyimirira...

Funayo1 220x290

Abawaabi ba Gav't beegayiridde...

ABAWAABI wa gavumenti mu musango gwa Kitatta beegayiridde kkooti y’amagye e Makindye esingise Kitatta ne banne...

Goba 220x290

Emisota gigobye Pulezidenti wa...

EBYEWUUNYISA tebiggwa mu nsi. Emisota egyagobye Pulezidenti wa Liberia, George Weah mu ofiisi nakati gikyatabudde...