TOP

Abantu 1,800 babagobye ku ttaka e Kayunga

By Saul Wokulira

Added 14th July 2018

ABATUUZE abasoba mu 1,800 ku kyalo Kanda mu ggombolola y’e Galiraaya mu disitulikiti y’e Kayunga basobeddwa olw’omugagga eyaguze ettaka okuli ebibanja byabwe n’atandika n’okusenda.

Yawa 703x422

Abatuuze b’e Kanda ku ttaka eryasendeddwa.

Ettaka lino liweza sikweya mayiro emu. Abatuuze olunwe balusonze mu Ssaabanyala Maj. Baker Kimeze nti amanyi abaagula ettaka lino ng’ate lya Gavumenti.

Bamulumiriza okuleetaba abantu ne balisibako ssehhenge nga babategeezezza nti baagala kutangira abo abaali baagala okulinyaga.

Kigambibwa nti Kimeze yazze n’abantu ne batandika okupima nga bwe basimba obuyinja n’ekyaddiridde kuleeta guleeda n’etandika okusenda ebintu byabwe.

Bwe twayogedde ne Ssaabanyala ku ssimu, yagambye nti naye abaasenze ebifo by’abatuuze tabamanyi era n’alabula buli agezaako okwonoona erinnya lye okukikomya.

Yagambye nti ye mukulembeze atasobola kukkiriza muntu kutaataaganya bantu b’akulembera.

Abatuuze baayingidde mu ssehhenge ne batandika okukuula obuyinja obwasimbiddwa mu ttaka lino.

Baabadde bategeka okwokya guleeda ya gavumenti nnamba UG 1780W eya minisitule y’enguudo eyapangiddwa okusenda ebibanja by’abatuuze poliisi n’eyingirawo n’ebalemesa.

Abatuuze nga bakulemberwa ssentebe w’eggombolola Jamada Musana ne kansala ku disitulikiti Fred Ssemyalo baalaze obutali bumativu ku ngeri amayumba n’ennimiro z’abantu bwe byasendeddwa.

Akulira poliisi y’e Kawongo, Joseph Bongo yagambye nti guleeda bagikuuma kubanga ya gavumenti. Era yasabye abatuuze okubeera abakkakkamu, kuba kijja kuggwa.

More From The Author

Emboozi z’omuwandiisi endala

Emboozi endala

Anita 220x290

Bebe Cool aleese amaanyi: Atuusizza...

OMUYIMBI Bebe Cool aleese amaanyi!, Nga yaakamala okutuusa kapyata ekika kya Land Cruiser V.* ZX Model 2019 gy’agamba...

Annotation20190719080947 220x290

Bukedde TV Livestream: Ekyenkya...

Bukedde TV Livestream: Ekyenkya

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga

Omukubayizingalikobyanyonyolawebuse 220x290

Abawala abazaddeko mubazze mu masomero...

Abawala abazaddeko okudda mu masomero kyakuyigiriza abalala obutakola nsobi n'okubudaabuda abafunye obuzibu bwe...

Teekawo1 220x290

Akakiiko ka bannamateeka kasazizzaamu...

OLUKIIKO olufuzi olwa bannamateeka ba Uganda Law Society olukwasisa empisa lusazizzaamu ekibonerezo ky'emyaka ebiri...