TOP
  • Home
  • Amawulire
  • Bakubye amasasi nga batangira eyabadde aggya ku muserikale emmundu

Bakubye amasasi nga batangira eyabadde aggya ku muserikale emmundu

By Musasi wa Bukedde

Added 21st July 2018

Bakubye amasasi nga batangira eyabadde aggya ku muserikale emmundu

Lip4 703x422

Nsubuga nga yeekweka ebifaananyi.

POLIISI ekubye amasasi mu bbanga ng’erwanagana n’omumenyi w’amateeka eyabadde ayagala okubba emmundu ku baserikale. Mu kiro ekyakeesezza Olwokutaano, poliisi y’oku Kaleerwe yakubye amasasi bwe yabadde ekwata Kasim Nsubuga 25, ow’e Mulago ng’anoonyezebwa poliisi ez’enjawulo ku misango egitali gimu.

Okukwatibwa kwaddiridde abakulira ebyokwerinda mu Dobbi Zooni mu muluka gwa Makerere III e Kawempe okusanga Nsubuga ku ssaawa 7:00 ez’ekiro ng’alina ebintu by’ava okubba.

Muhammad Ssekate akulira ebyokwerinda yayise abaserikale ne bamutaayiza wabula n’akwata omuserikale eyabadde n’emmundu n’amulwanyisa ng’ayagala kugimuggyako ekyawalirizza abaserikale abalala okukuba amasisi agaazuukusizza abatuuze ne bayamba ku baserikale ne bakwata Nsubuga.

Ssekate yagambye nti, okusinziira ku kunoonyereza, abatuuze baalumirizza abadde akulira ebyokwerinda mu kitundu nti y’akolagana n’ebibinja by’ababbi abatigomya abantu kuba ne Nsubuga bwe baamaze okumukwata, yawaanyisiganyizza ebisongovu n’abadde akulira ebyokweringa ng’amulanga okumulyamu olukwe. Joyce Nakalyango omu ku batuuze yagambye nti ennaku zino waliwo ebibinja by’ababbi ebiva mu bitundu ebirala ne bitigomya abatuuze b’e Makerere, Mulago, Kanyanya, era nti Nsubuga alina ekibinja eky’omutawaana.

Bwatyo n’asaba poliisi okumutwala mu kkooti avunaanibwe. Nsubuga yasangiddwa n’ekyuma kya ggaasi, bulangiti, emizindaalo n’ebirala wabula mu kwewoozaako, yategeezezza nti yabadde anoonya ssente mukyala we ali ku kitanda eky’okwagala okuggyako abaserikale emmundu yagambye nti kasita teyagimuggyeeko. Yaguddwaako omusango ku fayiro nnamba, SD REF 05/7/21/2018.

More From The Author

Emboozi z’omuwandiisi endala

Emboozi endala

Troubled 220x290

Oulanya agugumbudde abazadde abataweerera...

Omumyuka wa sipiika wa Palamenti, Jacob Oulanya agugumbudde abazadde abeesuuliddeyo ogwa nnaggamba okuweerera abaana...

Young 220x290

Abalokole batadde Gavt. ku nninga...

ABASUMBA b’abalokole batadde gavumenti ku nninga okubawa layisinsi ezibakkiriza okugatta abagole wabweru w’ekkanisa....

Kolayo 220x290

Bayisizza bajeti ya bukadde 200...

ABASUUBUZI mu Kikuubo ne Nabugabo bakungubagidde maama w’omugagga Moses Kayongo nnannnyini Mt. Zion Hotel esangibwa...

Kola 220x290

Agambibwa okubba kasooli bamukubye...

ABASERIKALE ba LDU baliko omuvubuuka gwe bakutte lubona mu lusuku ly’omutuuze ng’abba kasooli ne bamukuba amasasi...

Okutulugunya abakyala kweyongede...

Joan Nakilanda nga ono Alina emyaka 21 yafumbirwa nga alina omyeka 17 era nazala omwana we asoka neba. Oluvanyuma...