TOP
  • Home
  • Amawulire
  • Abalima ebikajjo nabo bazinze Kadaga nga beemulugunya ku musolo ogwabassiddwaako.

Abalima ebikajjo nabo bazinze Kadaga nga beemulugunya ku musolo ogwabassiddwaako.

By Musasi wa Bukedde

Added 25th July 2018

Abalima ebikajjo nabo bazinze Kadaga nga beemulugunya ku musolo ogwabassiddwaako.

Reb1 703x422

Rebecca Kadaga

ABALIMI  b’ebikajjo nabo beemulugunyirizza sipiika olw’omusolo gavumenti gwe yabateekako nga bagamba nti gubayinze obuzito.

Kino wekituukidde ng’abantu bali mu kwemulugunya ku musolo ku ‘social media’ ne ‘mobayiro mane’ nagwo gwe baagalagu guveewo. Kyokka ensonga z’okukyusa mu nsolooza y’omusolo guno zo zazeeyo mu palamenti obutafanana gwa bikajjo.

Wabula abalimi b’ebikajjo abeegattira mu kibiina kya ‘Uganda National Association of Sugar cane Growers’ baagenze ewa sipiika ne basaba gavumenti ebasonyiwe omusolo ogwabasibwako mu tteeka lya ‘Income tax amendment Bill,2018. Gavumenti yassaawo omusolo gwa shs 1 buli kikumi ku balimi abatunda ebirime ebisussa akakadde akamu.

Abalimi b’ebikajjo okuva e Busoga aba ‘Busoga Sugar Cane Growers Association’ abaakulembeddwa  Isa Budhungo baagambye nti omusolo guno ssi gwa bwenkanya.Baagambye nti omusolo guno gwasibwawo nti gugyibwa  ku magoba kyokka bo abalima ebikajjo tebakola magoba.

Beemulugunyizza nti omusolo gwabassibwako nga tebasoose kwebuuzibwako  ng’ate n’ababaka abava mu bitundu ebirimwamu ebikajjo tebafaayo kusomesa bantu baabwe bikwata ku musolo guno.

Abalimi b’ebikajjo basabye gavumenti okugatta abalimi n’abakamula ssukkaali mu bikajjo ssukkaali bakaanye ku bbeeyi yabyo.Bagamba nti kino kijja kubayamba okutunula mu bizibu bye bayitamu okulima n’okukungula n’okutambuza ebikajjo kuba tebakyakola magoba.

Kadaga yasuubizza okutabaganya abalimi bano ne gavumenti bagibuulire ebizibu byabwe.’’ Nja kwogeraganya ne Katikkiro wa Uganda tulabe engeri y’okubasisinkanyaamu ne baminisita abakwatibwako’’ Kadaga bwe yeyamye.

More From The Author

Emboozi z’omuwandiisi endala

Emboozi endala

Lab2 220x290

Wali muyigiriza ow'ekisa

Wali muyigiriza ow'ekisa

Lip2 220x290

Okufa kwa Namirimu kwatufumise...

Okufa kwa Namirimu kwatufumise nga ffumu

Tip2 220x290

Bannange nze siri mulogo ebyawongo...

Bannange nze siri mulogo ebyawongo bye bintawaanya

Kid2 220x290

Ono muzeeyi omwenge aguyodde nga...

Ono muzeeyi omwenge aguyodde nga bijanjaalo

Got2 220x290

Abasuubuzi mu katale k’e Kitintale...

Abasuubuzi mu katale k’e Kitintale bali ku bunkenke