TOP
  • Home
  • Amawulire
  • Palamenti ewadde Gav't nsalesale ku bayinvesita abakola obutembeeyi

Palamenti ewadde Gav't nsalesale ku bayinvesita abakola obutembeeyi

By Muwanga Kakooza

Added 29th July 2018

PALAMENTI ewadde gavumenti nsalessale wa myezi mukaaga okussaawo amateeka amalambulukufu ku mirimu egitalina kukolebwa bagwiira bajja mu Uganda gisobole okulekerwa bannansi beefunire eky’okulya mu kifo ky’abeefuula ba ‘yinvesita’ okugibatwalako.

Rebeccakadagaelectedspeakerofthe9thparliamentmay20111 703x422

Sipiika Rebecca Kadaga

PALAMENTI ewadde  gavumenti nsalessale wa myezi mukaaga  okussaawo amateeka amalambulukufu ku mirimu egitalina kukolebwa bagwiira bajja mu Uganda gisobole okulekerwa bannansi beefunire eky’okulya mu kifo ky’abeefuula ba ‘yinvesita’ okugibatwalako.             

Waludde nga waliwo okwemulugunya nti abagwiira bangi bayiika mu Uganda nga beefudde ba ‘yinvesita’ kyokka bwe batuuka muno ne batandika okukola obulimu obutagya mu bye bajja kukola egyandikoleddwa bannansi ng’obutembeeyi n’emirala.             

Bino biri lipooti y’akakiiko ka palamenti akawa abantu omukisa okuyisibwa ekyenkanya ‘committee on equal opportunities’  akakubirizibwa omubaka Mohammad Nsereko (Kampala Central) ekwata ku bagwiira abayiika muno ne bakola emirimu egyandikoleddwa Bannayuganda ng’okutembeeya n’ebirala.             

Ababaka bagamba nti wadde amateeka gagaana ‘yinvesita’ okufuna ettaka mu Uganda okwenyigira mu kulima n’okulunda kyokka gamukiriza okukola bizinensi endala. Kino kiri bwe kiti kuba obukadde 400 ezibasabwa ng’omusingo nga bajja wano amateeka gabakiriza ate okuzeeyambisa mu kusuubula nga baleeta muno ebyamaguzi okuva ebweru.             

Ababaka bagamba nti ensimbi ezo ntono nnyo era zeetaaga okwongezebwa olwo abagwiira abajja wano babe nga ‘babinojjo’ abatazze kwenyigira mu kusuubula kwa kuleeta muno byamaguzi kwokka wabula nga beenyigira mu kutandika wano makkolero ne bizinensi ennenne. 

Ababaka baagala amateeka agakwata ku bayingira  n’okufuluma muno wamu n’agalambika ebisanizo by’abagwiira abajja wano galambikibwe bulungi n’okulaga emirimu egirina okukolebwa Bannayuganda ng’abagwiira tebagikwatako. 

Baagala ekitongole ekivunaanyizibwa ku bayingira mu ggwanga ekya  ‘Directorate of Citizenship and Immigration Control’ kyongerwe ssente kisobole okukola obulungi emirimu gyakyo.

Bagamba nti ekitongole ekirondoola ababadde bayingidde mu ggwanga kiwebwa ssente ntono (obukadde 250) mu bajeti nga zino ntono zeetaaga kweyongerako.             

Bagamba nti amakkampuni amanene agatandika wano bizinensi naddala agazimba galina okussibwako amateeka okulaba nga Bannayuganda bagaganyirwamu  nga bawebwa emirimu mu kifo ky’emirimu egising egy’ekikugu okuwebwa abagwiira abajja n’amakkampuni gano.             

Ababaka baagala etteeka erigaba layinsi z’ebyobusuubuzi ‘Licencing Act’ nalyo likyusibwe lisobola okutangira abagwiira abagala okwenyigira mu by’obusuubuzi obutamala gayingirira buli mulimu. Era baagala n’etteeka erisaawo omusaala ogulina okutandikirwako okusasula omukozi lissibwewo. 

Era baagala n’etteeka ly’obupangisa likyusibwe , ng’omugwiira ayagala okupangisa wano alina okuwebwa ekizimbe ng’amaze kulaga pamiti emukiriza okukolera wano emirimu era ng’egyo gy’alina okukola sso ssi kulandukira ku mirala Bannayuganda gye basobola. 

Ababaka bagamba nti ‘abagwiira’ abasinga abajja mu Uganda basaba pamiti za kukola mirimu mitonotono ne Bannayuganda gye basobola okukola. Baagambye nti omuwendo gw’abagwiira abali mu Uganda tegumanyiddwa bulungi kuba waliwo abayingira mu ngeri emenya amateeka.             

Ababaka era beemulugunya nti ekitongole ekivunaanyizibwa ku kulondoola abagwiira ababa bayingidde mu Uganda tekirina bakozi bamala kutuukiriza mirimu gyakyo.Beemulugunya nti tewali mateeka gamala kutangira Bannayuganda kumalibwa ‘mirimu’ gye basobola kufunamu ssente egitwalibwa abagwiira. 

More From The Author

Emboozi z’omuwandiisi endala

Emboozi endala

Duka1 220x290

Eyabbye omwana bamusanze ne bba...

OMUKAZI eyabbye bbebi wa munne ow’emyezi esatu n’amutwalira omulenzi gwe yalimba olubuto, Poliisi yamulinnye akagere...

Mote 220x290

Abayizi 30 aba S6 babagaanyi okukola...

ABAYIZI ba S6 eggulo baatandise okukola ebigezo ebibatwala mu yunivasite n’amatendekero aga waggulu amalala kyokka...

Yagayo 220x290

Owoolubuto eyabula basanze yaziibwa...

OMUKAZI owoolubuto olw’emyezi omusanvu eyava awaka wiiki ssatu eziyise okugenda okunywa eddagala mu ddwaaliro lya...

Wangi 220x290

Eyeeyise owa ISO n’abba emmotoka...

OMUSAJJA abadde yeeyita owa ISO n’abba mmotoka ku muntu akwatiddwa.

Paska 220x290

Mukoka asse omukadde

Ekikangabwa kibuutikidde abatuuze ku kyalo Kaliisizo South mu Kalisizo Town Council mu disitulikiti y'e Kyotera,...