TOP
  • Home
  • Agebwelu
  • Aba Zimbabwe basuze balinda ebinaava mu kalulu k'ebyefaayo

Aba Zimbabwe basuze balinda ebinaava mu kalulu k'ebyefaayo

By Musasi wa Bukedde

Added 30th July 2018

BANNANSI ba Zimbabwe basuze balindirira ebyavudde mu kalulu ak’ebyafaayo akakubiddwa ku Mmande omulundi ogusookedde ddala nga Robert Mugabe 94 teyeesimbyewo okuva mu 1980 Zimbabwe lwe yafuna ebwetwaze.

Chamisaandmnangagwa 703x422

Omuvubuka Chamisa, ow'oludda oluvuganya Mugabe gwe yawanzeeko eddusu. Ku ddyo ye Emerson Mnangagwa

BANNANSI ba Zimbabwe basuze balindirira ebyavudde mu kalulu ak’ebyafaayo akakubiddwa ku Mmande omulundi ogusookedde ddala nga Robert Mugabe 94 teyeesimbyewo okuva mu 1980 Zimbabwe lwe yafuna ebwetwaze.

Abantu abasoba mu bukadde butaano be basuubirwa nti baakubye akalulu akaabadde ak’obunkenke.

Abantu 23 be beesimbyewo ku bwa Pulezidenti kyokka okuvuganya okw’amaanyi kwabadde wakati wa Pulezidenti Emerson Mnangagwa 75 ow’ekibiina ekiri mu buyinza ekya ZANU-PF ne Munnamateeka era Pastor Nelson Chamisa 40 ow’ekibiina ekisinga obunene ku ludda oluvuganya ekya Movement for Democratic Change (MDC).

Mnangagwa y’abadde mu buyinza okuva November 2017, amagye lwe gaawamba Mugabe ne gamumaamula mu buyinza mwe yali amaze emyaka 37.

Obusungu obw’okumuggya mu Ntebe, yabusiba ku mutima n’okutuusa kati era yalangiridde ku Ssande ng’enkya kulonda nti akalulu ke agenda kukawa Chamisa ow’oludda oluvuganya naye ssi Mnangagwa gwe yayise ‘omubbi w’entebe’.

Ebyavudde mu kulonda bisuubirwa okulangirirwa obutasukka Lwakusatu.

Abalonzi abeewandisa bali 5,635,706 ng’ebifo ebironderewamu biri 10,985.

Amateeka ga Zimbabwe galagira okulangirira ebivudde mu kulonda obutasukka ssaawa 48.

Ssinga wanaabula aweza obululu obusukka mu bitundu 50 ku 100, akakiiko k’Ebyokulonda aka Zimbabwe Electoral Commission (ZEC) kalina okutegeka okuddamu okulonda nga September 30, 2018.

More From The Author

Emboozi z’omuwandiisi endala

Emboozi endala

Malawo 220x290

Agula emmaali y’omufu mu bukyamu...

WADDE okufa tteeka naye kino tekikugaana kukola nnyo obeereko ebyobugagga by’olekera abantu bo ssinga Katonda abeera...

Ssenga1 220x290

Njagala kutandika bulamu

NNINA siriimu era mmaze naye emyaka egiwera. Baze yafa ne nsigala n’abaana naye kati mpulira nnina okufuna omusajja...

Img20190117wa0028 220x290

Sipiika alagidde Katuntu okuyimiriza...

SIPIIKA wa Palamenti Rebecca Kadaga alagidde akakiiko ka COSASE akakubirizibwa Katuntu akabuuliriza ku mivuyo egyetobeka...

Soma 220x290

Abatuuze katono batte be balumiriza...

ABATUUZE ku kyalo Kiryamuli mu Ggombolola y’e Gombe mu disitulikiti y’e Wakiso bakkakkanye ku basajja babiri abagambibwa...

Panda 220x290

Maneja Kavuma ayagala Abtex amuliyirire...

Olutalo lw’abategesi b’ebivvulu, Musa Kavuma (KT Events) ne Abby Musinguzi amanyiddwa nga Abtex lusituse buto....