TOP

Omukuumi asse munne

By Musasi wa Bukedde

Added 31st July 2018

Omukuumi asse munne

Web1 703x422

Abdudarah Mohammed (wakati) omukuumi wa SGA agambibwa okukuba munne essasi nga poliisi emukutte.

ABATUUZE b’e Lwemwedde e Masuuliita mu disitulikiti y’e Wakiso baaguddemu ekikangabwa omukuumi ku kkampuni ya Stonecom Quarry ekuba amayinja bwe yakubye mukuumi munne essasi eryamuttiddewo.

James Wasswa Kisuule omu ku batuuze abaasoose okutuuka mu kifo awaabadde obutemu buno yagambye nti zaabadde ssaawa 2:00 ez’oku makya ku Ssande ne bawulira essasi erivuga.

Baasitukiddemu ne bagenda mu kifo gye baawulidde essasi lino ne basanga omukuumi w’ekitongole ekikuumi ekya SGA security Company ng’adduka.

Baamubuuzizza ogubadde n’abategeeza nga bwe waliwo mukuumi munne Abdudarah Mohammed 24, akubye munne James Odong 27, essasi erimusse ng’ ono abadde akuuma naye ku kkampuni ya Stonecom Quarry Company.

Kisuule yagambye nti baategeezezza poliisi y’e Masuuliita eyatandise okukola omuyiggo gwa Mohammed ne bamusanga ng’alinnya bodaboda e Bugujju agende e Masuuliita.

Olwalabye poliisi n’abuuka ku bodaboda n’adduukira mu nsiko gye baamukwatidde. Akulira Poliisi y’e Masuuliita Martin Karekyezi yategeezezza nti amaze ebbanga ng’abuuza kkampuni eno ku bakuumi bano kyokka nga buli lwatuukawo bamutegeeza ng’ ababakulira bwe bataliiwo

More From The Author

Emboozi z’omuwandiisi endala

Emboozi endala

Kib11 220x290

Ba Kansala ku district e Kiboga...

Ba Kansala ku district e Kiboga bakubye ebituli mu budget ya District

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono