TOP

Maximo Van Pee yeefuse Ddigi

By Dickson Kulumba

Added 31st July 2018

Maximo Van Pee yeefuse Ddigi

Set1 703x422

OBUNKENKE, essanyu n'emizira byabuutikidde ekisaawe kya ddigi e Busiika ku luguudo oludda e Gayaza ku Ssande, abavuzi 75 bwe baabadde balwanira obubonero ku ngule z'eggwanga ez'enjawulo n'ebifo ku ttiimu y'eggwanga egenda okukiika mu mpaka za Afrika. Abavuzi obwedda buli ajja ku kisaawe alaga nti ddala agwanidde okubeera ku ttiimu egenda e Zambia.

Baabuusizza ddigi nga kwe bagasse n'okukola obukolomooni obw'enjawulo obwedda obukubya abantu enduulu mu ngeri y'okubawagira n'okubalaga nti kye bakola kisaanye okusasulirwa ssente okubalaba. Omwezi ogujja ku wiikendi ya 17-19, Uganda yaakutwala ttiimu y'abavuzi 35 e Lusaka, Zambia awagenda okubeera empaka za Afrika.

Uganda y’erina engule ya Afrika ng’omwaka guno eyagala kugyeddiza. Buli muvuzi eyamalidde mu bifo ebisatu ebisooka mu mutendera gwe, yayiseewo okugenda ku ttiimu.

Okusinziira ku kapiteeni wa Uganda, Maxime Van Pee, abavuzi bonna be balina kwe bagenda okulonda, balungi era basobola okuyamba ttiimu okweddiza ekikopo. “Abavuzi abamu bamaze wiiki nga batendekebwa Neil Van Der Ross okuva e South Afrika era mbalinamu obwesigwa.

Buli agenda okulondebwa ajja kuba atuukiridde okwambala omujoozi gwa Uganda mu mpaka ez’amaanyi,” Van Pee bwe yagambye. Van Pee, ye yawangudde omutendera gwa bakafulu (MX1), Fatuh Kiggundu (MX2), Alestair Blick (MX125cc), Fortune Ssentamu (MX85), Jeremiah Walugembe (MX65) ne William Blick Jr mu guddirira abato (MX50cc). Ramathan Mubiru, ye yawangudde mu bato (Peewee).

More From The Author

Emboozi z’omuwandiisi endala

Emboozi endala

Story 220x290

Bamukubye kalifoomu ne bamuwamba...

POLIISI y'omu Bbuto ekisangibwa e Bweyogerere mu munisipaali y'e Kira eronze omuwala Joan Nagujja (32) mu kiwonvu...

Wanika1 220x290

'Okusomesa abaana eddiini kye ky'okulwanyisa...

AKULIRA yunivasite y’Abasiraamu asabye Bannayuganda okukosomesa abaana eddiini ng’ekyokulwanyisa okumalawo ebikolobero...

Card1 220x290

Kiki ekifuna sizoni eno?

Obadde okimanyi nti ku 40,000/= osobola okutandika bizinensi ya Success Cards ne wenogera ensimbi?!

Uneb3 220x290

Ebigezo by'e Mbarara byatuukidde...

Ebigezo bya S4 ebya UCE byatuusidwa ku Poliisi y'e Mbarara nga bikuumibwa butiribiri abaserikale ba miritale...

Exams3 220x290

Ebibuuzo bya UCE 2019 bitandise...

Ebibuuzo bya S4 bitandise na kigezo kya Physics Practicals.