TOP
  • Home
  • Agebwelu
  • Akalulu k'Obwapulezidenti e Zimbabwe katadde bannansi ku bunkenke

Akalulu k'Obwapulezidenti e Zimbabwe katadde bannansi ku bunkenke

By Musasi wa Bukedde

Added 1st August 2018

BANNANSI ba Zimbabwe bali ku bunkenke obutagambika oluvannyuma lwa Pulezidenti Emerson Mnangagwa ne Munnabyabufuzi ow’oludda oluvuganya Nelson Chamisa, buli omu okwerangirira nti ye yawangudde akalulu ak’ebyafaayo akaakubiddwa ku Mmande ng’alinda kulayira.

Zimbabweelectionsrobertmugabe719519 703x422

BANNANSI ba Zimbabwe bali ku bunkenke obutagambika oluvannyuma lwa Pulezidenti Emerson Mnangagwa ne Munnabyabufuzi ow’oludda oluvuganya Nelson Chamisa, buli omu okwerangirira nti ye yawangudde akalulu ak’ebyafaayo akaakubiddwa ku Mmande ng’alinda kulayira.

Chamisa 40 ow’ekibiina ekisinga obunene ku ludda oluvuganya ekya Movement for Democratic Change (MDC) nga munnamateeka era Paasita ye yasoose okulangirira nti ebikung'aanyiziddwa enkambi ye mu byavudde mu kulonda mu bifo 10,000 kw’ebyo 10,985 ebirondebwamu biraga nti aleebeza waggulu nnyo Mnangagwa.

Yategeezezza nti akakiiko k’ebyokulonda aka Zimbabwe Electoral Commission (ZEC) ke kasigadde okumulangirira ku buwanguzi akole gavumenti era awadde Mnangagwa amagezi okukkiriza nti awanguddwa.

Kyokka amangu ddala nga Chamisa yaakamala okwewaana nti awangudde akalulu, Pulezidenti Mnangagwa owa ZANUPF yafulumizzaawo ekiwandiiko eri abawagizi ng’agamba nti enkambi ye bye yaakakung'aanyawo biraga nti agenda kuwangulira waggulu nnyo.

Yasabye abawagizi ba ZANU-PF obutabuzaabuzibwa byafulumiziddwa abooludda oluvuganya kubanga bulimba bwereere obugendereddwaamu okuleetawo obujagalalo.

Akalulu kaakubiddwa ku Mmande omulundi ogusookedde ddala nga Robert Mugabe 94 teyeesimbyewo okuva mu 1980 Zimbabwe yeefuga. Abantu abasoba mu bukadde butaano be basuubirwa nti baalonze.

Mu kalulu k'ababaka ba Palamenti ku bifo 210 eby'ababaka, ZANU PF eya Mnangagwa zaakawangulako ebifo 109 ate MDC eya Nelson Chamisa baakawangulako ebifo 41. Ebifo 58 tebinnalangirirwa.

Kyokka akakiiko k'ebyokulonda kakyagaanyi okulangirira ebyavudde mu kalulu k'obwapulezidenti era kalubudde enkambi zombi okukomya okwelangirira ku buwanguzi oba si ekyo bajja kukolebwako omukono gw'amateeka.

Wadde guli gutyo, ebivaayo biraga Mnangagwa eyasinze okulondebwa abantu b'omu byalo akyaleebya Chamisa alina obuwagizi mu bibuga. 

More From The Author

Emboozi z’omuwandiisi endala

Emboozi endala

3f74e568a3684a1eac5d6d555644365318 220x290

Magufuli alagidde abaddukanya ekidyeri...

OMUWENDO gw’abantu abaafiiridde mu kidyeri mu nnyanja Nnalubaale gwongedde okulinnya! Pulezidenti wa Tanzania John...

Sevo 220x290

Ab'e Rubirizi basabye Museveni...

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza...

Budgetkasaijaweb 220x290

Bawera kusimbira kkuuli enteekateeka...

ABABAKA ku kakiiko ka palamenti akavunaanyizibwa ku byobulimi bawera kusimbira kkuuli enteekateeka z’okuyisa embalirira...

Kola 220x290

Mukolerere obukadde bwammwe - Minisita...

MINISITA omubeezi ow’ebyenguudo Gen. Edward Katumba Wamala akubirizza abantu okukolerera obukadde bwabwe nga bakyalina...

42312484102150760182472974931861717081653248n 220x290

Bobi Wine eby’okutulugunya abantu...

BOBI Wine ne banne eby’okubatulugunya babitutte mu kibiina ky’amawanga amagatte (UN ), era boongedde okukungaanya...