TOP

Kadaga awadde gav't ebiragiro ku bubenje.

By Muwanga Kakooza

Added 1st August 2018

Kadaga awadde gav't ebiragiro ku bubenje.

Kip2 703x422

Kadaga ng'ayogera

SIPIIKA Rebecca Kadaga alagidde minisita w’eby'enguudo Monica Azuba Ntege  okwanguya okuleeta amabago ku mateeka agatali gamu agakwata ku butebenkevu bw’oku nguudo kyongere okuyambako okukendeeza obubenje.

Mu ngeri y’emu omubaka w’ekibuga,  Lugazi, Isac Mulindwa Ssozi asabye poliisi okussaawo ebikwekweeto by’ebidduka ebyamaanyi ku luguudo lw’e Jinja wakati w’e Kitega ne Mabira kikendeeze obubenje obuyitiridde okugwa mu kitundu kino.

Bino byabadde mu palamenti ,sipiika Rebecca Kadaga bwe yalagidde gavumenti okuleeta mangu amabago g’amateeka g’oku nguudo okuli eryokulongoosa mu tteeka ly’ebidduka erya ‘transport and road safety act’,eryenguudo (roads bill) ne lipooti ekwata ku bubenje.

Minisita Ntege Azuba yagambye nti amabago gagenda kuletebwa mu lukiiko lwa baminisita n’oluvannyuma gayanjulwe mu palamenti. Yategeezezza nti badduleeva b’ebimmottoka ebinene  bagenda kuddamu okugezesebwa n’okwekenyezebwa ku likodi zaabwe ku nguudo abaanayita bawebwe pamiti empya.

Era n’agamba nti obufo omutera okugwa obubenje ekitongole ky’enguudo ekya UNRA kibwetegereza kisobole okubusalira amagezi okulaba nga bulongoosebwa kimalewo obubenje.

Ye omubaka Mulindwa Ssozi yagambye nti ekiwendo kya ‘Operation Fika Salama’ bwe kyassibwa ku luguudo lw’e Masaka waaliwo okukendeera kw’obubenje. N’asaba kissibwe ne ku lw’e Jinja. Ababaka beemulugunyizza ku nguudo enfunda ze bagamba nti ze zivuddeko obubenje.

More From The Author

Emboozi z’omuwandiisi endala

Emboozi endala

Kookifelixssekubuuza31 220x290

Atendeka Kiboga bagikubye ne yeekwasa...

Atendeka Kiboga agamba nti ddiifiri yagisalirizza olwo Kireka n'egikuba mu Big League.

Cfb9be2889d143b0855e06c5321dcb4c 220x290

Kabaka avuddeyo ku binyigiriza...

KABAKA Ronald Mutebi ll, avuddeyo ku binyigiriza abantu n’agamba nti, “Tunakuwala nnyo okuwulira ng’abantu baffe...

Guardiola2 220x290

Guardiola yeekengedde n’azza abazannyi...

Guardiola atidde okuddamu okukubwa Spurs eyabawandudde mu Champions League

Satr 220x290

BUKEDDE W’OLWOMUKAAGA YAFULUMYE...

Tukulaze ebiri mu bubaka bwa Kabaka obwa Paasika, bw’avuddeyo ku balina obuyinza abasengula abantu ku ttaka.

Siiba 220x290

Abeekalakaasi e Sudan balaze Gav't...

Abeekalakaasi e Sudan balaze Gav't gye baagala