TOP
  • Home
  • Agebwelu
  • E Zimbabwe amagye gakubye amasasi mu bawagizi ba Chamisa: 3 bafu!

E Zimbabwe amagye gakubye amasasi mu bawagizi ba Chamisa: 3 bafu!

By Musasi wa Bukedde

Added 2nd August 2018

AMAGYE ne poliisi e Zimbabwe bikubye amasasi ne ttiyaggaasi mu bawagizi b’oludda oluvuganya abaalumbye ekitebe ky’ebyokulonda nga baagala akakiiko kalangirire ebyavudde mu kalulu ke bagamba nti baakawangulidde waggulu.

Xqb6s0i8edyrkd5b61dfbb254dc 703x422

Abantu basatu be battiddwa abalala 12 ne batuusibwako ebisago eby’amaanyi.

Abawagizi ba Nelson Chamisa 40 , ow’ekibiina ekisinga obunene ku ludda oluvuganya ekya Movement for Democratic Change (MDC) baabadde baagala akakiiko aka Zimbabwe Electoral Commission (ZEC) okulangirira omuntu waabwe ku buwanguzi nga balumiriza nti ye yawangudde era alinda kulayira.

Bino byaddiridde Chamisa okulangirira ku Lwokubiri nti ye yawangudde akalulu ak’ebyafaayo akaakubiddwa ku Mmande kyokka ne Pulezidenti Emerson Mnanangwa ow’ekibiina kya ZANU- PF ekiri mu buyinza naye yeewaanye nti ye yawangudde akalulu alinda kakiiko aka ZEC okumulangirira.

Waabaddewo akajagalalo ku kitebe ky’Ebyokulonda ekisangibwa mu kibuga Harare nga poliisi egumbulula abawagizi ba Chamisa, abamu abaabadde bakutte emiggo n’amayinja era baakubiddwaamu amasasi, ttiyaggaasi ne babuna emiwabo okukkakkana ng’omuntu omu attiddwa.

Pulezidenti Mnangagwa yalabudde okuggalira ab’oludda oluvuganya ssinga beerangirira kubanga ogwo mulimu gw’akakiiko ak’Ebyokulonda.

Akalulu kaakubiddwa ku Mmande omulundi ogusookedde ddala nga Robert Mugabe 94, teyeesimbyewo okuva mu 1980 Zimbabwe lwe yafuna obwetwaze.

alt=''

Akulira akakiiko k’Ebyokulonda aka ZEC, Omulamuzi Priscilla Chigumba yategeezezza nti akalulu kaakubiddwa mu mirembe n’asuubiza nti leero ku Lwokuna ku ssaawa 6:30 ez’omu ttuntu bagenda kutandika okufulumya ebyavudde mu kalulu k’obwapulezidenti. Yafulumizza eby’ababaka ba palementi.

 

More From The Author

Emboozi z’omuwandiisi endala

Emboozi endala

Salawo 220x290

BUKEDDE W’OLWOMUKAAGA AFULUMYE...

Bobi Wine alaze ky’agenda okuzzaako kyokka poliisi nayo erabudde aba People Power ku kugondera amateeka. Mulimu...

Giroud2 220x290

Besiktas eswamye Giroud okumuggya...

Giroud, yali omu ku bazannyi abaayamba Bufalansa okusitukira mu World Cup mu July wabula mu Chelsea, ennamba etandika...

Herreranerojo1 220x290

Abazannyi 4 ogwa ManU ne Wolves...

Rojo tannatereera bulungi buvune wabula okudda kwa Phil Jones kwakuggumiza ManU.

Meeyassenoganomumyukawekansalakaggwangaayogeramulukiikolwampigitowncouncil 220x290

Kirumira bamubbuddemu oluguudo...

Abakiise batenderezza Kirumira omwana waabwe enzaalwa y’e Mpambire mu Mpigi Town Council okubeera omusaale mu kutunda...

Omuvubukaabaddeyefuddeomulalungalikukabangaliyapoliisiempigi 220x290

Yeefudde omulalu n’ayingira ofiisi...

Omuvubuka ono yasoose kwesuula mu kidiba ky’ebbumba mu kabuga k’e Mpigi kyokka poliisi y’e Mpigi n’emunnyululayo...