TOP
  • Home
  • Agawano
  • Omusuubuzi w'amatooke asaasaaebicupuli bamukutte

Omusuubuzi w'amatooke asaasaaebicupuli bamukutte

By Moses Lemisa

Added 2nd August 2018

OMUSUUBUZI w’amatooke agambibwa okuba ng’aludde ng’asaasaanya ssente ez’ebicupuli, poliisi emukutte.

Goat 703x422

Zziwa (ku kkono) nga bamutwala ku poliisi.

Frank Zziwa 30, ow’omu Ssebina Zooni e Kawempe atunda matooke mu katale ka Freedom.

Yakwatiddwa poliisi y’oku Kaleerwe nga kigambibwa nti ssente zino ez’ekicupuli asinga kuziwa bakasitoma abamugulako amatooke ng’abaddiza bbaalansi saako n’okubitwala ku maduuka mu budde obw’ekiro.

Zziwa yasangiddwa n’ebicupuli bya 40,000/-, kaadi ekozesebwa okunywerako amafuta ku masundiro nga teri mu mannya ge gye yagambye yalonda nnonde ne layini z’essimu eziwerako.

Bwe yakwatiddwa teyeegaanye kusangibwa na bicupuli wabula yagambye nti waliwo omusajja gw’abigulako ng’ono ye Yasin Ndobeso.

Yagambye nti ebicupuli abisuubula busuubuzi. Bw’awaayo 5,000/- entuufu, nga bamuwa ebicupuli bya 20,000/-.

Zziwa yalumirizza ne basuubuzi banne nti balina ebicupuli bino kuba nabo babisuubula. “Mukwate ne Yasin abinsuubuza ate nga n’abalala babisuubula ne babiwaanyisa ne ssente za bakasitoma entuufu,” Zziwa bwe yagambye.

Ku kya layini z’essimu ze baamusanze nazo yagambye nti yadde bazisanze mu waleti ye, naye tamanyi nnannyini zo.

Nuliat Namugga omu ku basuubuzi yategeezezza nti waliwo ekibinja ky’abasuubuzi b’omu butale bw’oku Kaleerwe abatambuza ebicupuli. Omusango gwa Zziwa guli ku SD10/21/07/2018.

More From The Author

Emboozi z’omuwandiisi endala

Emboozi endala

Abazirwanakonabengandazaabwengabakwasaabamagyeempapulazaabwewebuse 220x290

Abadduka mu magye temugenda kusiimibwa...

Abaazirwanako baakusekera mu kikonde oluvannyuma lw'okuwandiisibwa mu ngeri gye bagambye nti ebawadde essuubi okulyaku...

Carbond0023scmyk7034221 220x290

Gav't ereese etteeka eriwera okutunda...

GAVUMENTI ereese etteeka erigenda okuwera okuleeta muno emmottoka enkadde.

Leka 220x290

Omuyizi eyafiiridde mu kidiba kya...

ENGERI omuyizi wa Perfect Primary School e Kulambiro gye yafiiridde mu kidiba omuwugirwa ekya Kiwaatule Recreation...

Fbimg15631781511232 220x290

Buubuno obukwakkulizo Bobi Wine...

OBUKWAKKULIZO Bobi Winebw’atadde ku Chameleone bwaddiridde enkiiko ez’enjawulo aba People Power ze baatuuzizza...

Kola 220x290

Obwavu bwamugabisa omwana wange...

KITUUFU obwavu tebukumanyisa akwagala. Omuwala yagabira omusajja alina ssente omwana wange. Nze Ronald Kakooza...