TOP

Kazibwe Bashir owa Bukedde ayagala kya UJA

By peter ssaava

Added 5th August 2018

Kazibwe Bashir owa Bukedde ayagala kya UJA

Mba1 703x422

Kazibwe Bashir Mbaziira ayagala ekifo kya UJA

Munnamawulire Bashir Kazibwe Mbaziira aweereza pulogulaamu ya ‘Ekiry’atabaala’ ebeerawo okuva ku ssaawa 9:00 ez’akawungeezi okuva mu Mmande okutuuka ku Lwokutaano ku Bukedde Fa Ma Embuutikizi avuddeyo okuvuganya ku kifo kya pulezidenti w’ekibiina ekigatta bannamawulire ekya Uganda Journalists Association (UJA). Ekibiina kino kigatta bannamawulire bonna mu Uganda era kyatandikibwawo munnamawulire Kintu Musoke mu 1963.

Okuva mu 1963, ekibiina kibadde kironda abakulembeze oluvannyuma lw’emyaka ebiri, egy’ekisanja nga bwe kyalambikibwa mu ssemateeka afuga ekibiina kino. Ku Lwokutaano, Kazibwe yasoose kukima mpapula ezimusobozesa okwesimbawo okuva ku ofiisi z’ekibiina kino ku kizimbe kya Lion Shopping Arcade ku Namirembe Road mu Kampala, oluvannyuma n’ayita olukuh− haana lwa bannamawulire mwe yabategeerezza by’agenda okutandikirako.

Yategeezezza nti bannamawulire babadde bafuna ebizibu omuli okukubwa nga bakola emirimu gyabwe, okunyoomebwa n’abamu okusasulwa obubi n’ategeeza nti bino bye bimu ku by’agenda okutandikirako. “hhenda kuteekawo akakiiko mu kibiina kino akagenda okulondoola bannamawulire abafuna ebizibu eby’enjawulo omuli n’okukubwa tulabe nga n’abo ababatuusaako obulabe bakangavvulwa nabo basobole okufuna obwenkanya.” Kazibwe bwe yategeezezza.

Yayongedde n’ategeeza nga bw’agenda okuteekawo ekibiina ky’obwegassi buli munnamawu-lire atereke ate oyo aba ayagala okwewola yeewole nabo basobole okwongera ku nkulaakulana yaabwe. Okulonda kuno kugenda kubaawo nga August 10 omwaka guno ku Tick Hotel e Kawempe. Munnamawulire Robert Kagolo okuva ku UBC ye yalondebwa mu kifo yya pulezidenti w’ekibiina mu 2016 era ng’ono ekisanja kye kigggwaako mwaka guno.

More From The Author

Emboozi z’omuwandiisi endala

Emboozi endala

Mathiaskatamba 220x290

Katamba alondeddwa ku bwassentebe...

Katamba alondeddwa ku bwassentebe bwa Uganda Bankers Association

Multi10 220x290

Aba Multiplex bazzeemu okukola...

Aba Multiplex bazzeemu okukola lisiiti ne zinyooka

Ken1 220x290

Sipiika alagidde ministry ya Foreign...

Sipiika alagidde ministry ya Foreign affairs okuyamba Kenzo akomewo eka

Jud1 220x290

Jude Color Solution ekakasiddwa...

Jude Color Solution ekakasiddwa okufulumya masks

Images 220x290

Biibino ebibuuzo ebikyebuuzibwa...

Abantu abakwatibwa bajjanjabibwa kumala bbanga ki okuwona? Kisinziira engeri obulwadde buno gye bubeera bukukosezzaamu....