TOP
  • Home
  • Amawulire
  • Abatemu bawambwe omukazi e Mpigi ne basaba obukadde 4

Abatemu bawambwe omukazi e Mpigi ne basaba obukadde 4

By Paddy Bukenya

Added 8th August 2018

Abatemu bawambwe omukazi e Mpigi ne basaba obukadde 4

Lip1 703x422

Arinitwe eyabuziddwaawo

ABAZIGU bawambye omusawo we Mpigi ng'agenda Kampala n'abasaba abenganda obukadde buna, nti singa zibalema omulambo bagunone mu Lwera.

Jane Arinitwe 35 omusawo wakalwaliro ka St Cleo’s Drug shop e Kayabwe mu gombolola ye Nkozi mu Mpigi yeyawambiddwa ku Sande akawungeezi nga agenda e Kampala okusisinkana bagandabe bagende ku mikolo mu kyalo eMasindi.

Arinitwe yasemba okulabibwako ng'alinya bodaboda eyamutwala ku stage ya Taxi mu kafene e Kayabwe kyokka ekyaddiridde bebatemu okukubira beyalese ewaka nti baweereze mangu ssente obukadde buna (4,000,000/-) bwe balemererwa banone omulambo gwabwe mu Lwera ku lwe Masaka.

Simu eno basooka kugifuna ku ssaawa nya ezekiro era ku makaya (ku Mande) bakedde kunoonya ssente mu boluganda ne baweereza abatemu obukadde bubiri (2,000,000/) kyokka ne babawa nsalesale wa lwakutaano lwa wiiki eno singa balemererwa okuweza obukadde obuna banone omulambo gwa munnaabwe mu Lwera ekintu ekibatadde mu kutya okw'amaanyi.

Bano nga bakulembeddwamu Juliet Businge baddukidde ku poliisi ye Kayabwe ensangi ne bazibakwasa era mu kiseera kino poliisi eri mu kuyigga batemu bano.

Ab'enganda za Arinitwe abasangiddwa mu maziga bategeezeza nti ssente ezibulayo zikyababuze kyokka nga abatemu ababakubira ssimu bamalirivu nyo okutta Arinitwe kubanga tebaagala nakuteesa era bwogezaako okwogera nabo ebigambi ebingiko nga simu bagigyako.

Omwogezi wa poliisi mu Katonga Joseph Musana ategeezezza nti batandise okulinya abatemu bano akagere era ssaawa yonna bakukwatibwa kyokka n'alabula abantu okuyamba ku poliisi singa baba bafunye amawulire agakwata ku bazigu bano.

More From The Author

Emboozi z’omuwandiisi endala

Emboozi endala

Candia 220x290

Nnannyini wooteeri ya Pacific e...

NANNYINI wooteeri ya Pacific Hotel mu kibuga Arua asambazze ebyayogeddwa poliisi nti emmundu ez’ekika kya SMG ebbiri...

Genda1 220x290

Baka balamu bange bannemesezza...

NZE Shifrah Nalwadda 25. Mu 2016 omusajja ayitibwa Akim yankwana era nange ne musiima ne mmukkiriza n’antwala ewuwe...

K3 220x290

Ab'e Kamwokya bazzeemu okwekalakaasa:...

Ab'e Kamwokya bazzeemu okwekalakaasa: Baagala Bobi Wine ayimbulwe

Ssenga1 220x290

Omukyala alina siriimu nkole ntya...

Ssenga nsaba kunnyamba. Nakizudde nti mukyala wange alina akawuka akaleeta siriimu naye nze sirina nkole ntya....

Panga 220x290

Nnabaana wange ow’ekisa angobyeko...

ABAGANDA abaalugera nti atalina mannyo katonda gw’awa ennyama baali batuufu! nze Florence Naluyima 30, mbeera Kyebando...