TOP
  • Home
  • Amawulire
  • Dr. bamuwangudde ku bwannabakyala n'akiika ensingo

Dr. bamuwangudde ku bwannabakyala n'akiika ensingo

By Ssennabulya Baagalayina

Added 8th August 2018

DOKITA Margaret Nabaggala Ntambaazi bamuwangudde ku kifo ky’obwassentebe bw’akakiiko k’abakyala b’eggombolola y’e Bukulula mu disitulikiti y’e Kalungu n’akiikira abanene ensingo.

Abakyala17 703x422

Dr.Ntambaazi mu mmotoka ye oluvannyuma lw'okuwangulwa mu kalulu

Dr. Ntambaazi yafunye obululu butaano n’awangulwa Josephine Nansamba Kirunda eyafunye obululu 31.

Okulonda kwakubiriziddwa Abdallah Kasim Tegawa nga kwabadde kwa kusimba mu mugongo.

Imelda Nazziwa yalondeddwa ku ky’omumyuka, Sarah Nakajja ye muwandiisi, Immaculate Nambuusi w’amawulire ne Molly Namusisi y’avunaanyizibwa ku byensimbi.

Abaavuganyizza nga baabadde bawagira Dr. Ntambaazi nabo baabammye ebifo ekyayongedde okunyiiza Ntambaazi n’agamba nti waabaddewo ekkobaane ly’okumuggya mu byobufuzi.

Dr. Ntambaazi yagambye nti teyandiwanguddwa naye abanene b’e Kalungu abaludde nga bamulwanyisa n’okumulemesa okutuusa obuweereza ku Bannakalungu ng’ayita mu byobufuzi be baamusudde.

Yagambye nti newankubadde nga muyivu alina ne diguli ssatu mu busawo kyokka buli lw’avaayo okuvuganya ng’abanene b’omu kitundu bamulwanyisa n’okumukomerera emisumaali, mu kifo ky’okutunula ku busobozi bwe.

“Nabadde nzikaanyizza ne mukyala Kirunda nti nze mpitewo ku bwassentebe ye ajje ng’omumyuka wange kuba ekiruubirirwa kyange kibadde kya kuvuganya entebe y’akakiiko ako ku ntikko naye abatanjagaliza olwakiwulidde ne banziggyirayo enjala,” Dr. Ntambaazi bwe yannyonnyodde.

“Kalungu bw’ateveemu ffitina za byabufuzi tajja kugenda mu maaso kubanga balekerera okutunuulira ensonga mu butuufu bwazo ne bagendera ku bibeera bibabuuliddwa abeenoonyezza ebyabwe,” Dr. Ntambaazi bwe yakkaatirizza n’agamba nti abakwasizza Katonda.

Wabula Kirunda ne banne baategeezezza nti okulonda kwabadde kusinziira ku busobozi n’obuweereza abantu bwe balina.

More From The Author

Emboozi z’omuwandiisi endala

Emboozi endala

Bannamateeka ba Bannansi ba Rwanda...

Bannamateeka ba Bannansi ba Rwanda abaakwatibwa balaajanye

Lab2 220x290

Erias Lukwago alabudde abavubuka...

Erias Lukwago alabudde abavubuka abatava ku WhatsAapp ne Facebook

Hop2 220x290

Eby'okwerinda byongedde okunywezebwa...

Eby'okwerinda byongedde okunywezebwa

Jip1 220x290

Bakukkulumye olwa munnaabwe eyafudde...

Bakukkulumye olwa munnaabwe eyafudde obutwa

Kop2 220x290

Awonye okwokebwa abayizi be

Awonye okwokebwa abayizi be