TOP
  • Home
  • Amawulire
  • Abasodokisi bajjukidde olunaku lw'okufuusibwa kwa Yesu

Abasodokisi bajjukidde olunaku lw'okufuusibwa kwa Yesu

By Dickson Kulumba

Added 9th August 2018

Abasodokisi bajjukidde olunaku lw'okufuusibwa kwa Yesu

Kab1 703x422

SSABASUMBA w'Eklisia y'Abasodokisi mu ggwanga Metropolitan Jonah Lwanga yenyamidde olw'abantu ensangi zino okutwalirizibwa ebintu byensi ne besamba Katonda ekintu kyagambye nti kyonoonye eggwanga lino ng'okukikyusa kyetaagisa abantu okukyusa embeera mwebawangalira, Katonda lwajja okubawa obulamu obutaggwawo.

Bino abyogeredde Ku Klesia y'Okufuusibwa kwa Yesu( Holy Transfiguration Church) Ku kiggo kya Anoonya e Degeya- Kalagala mu Disitulikiti y'e Luweero mu Bulemeezi ku lwa Mmande August 6,2018.

“Tugenda netumanyiza embeera zaffe ez’omu nsi muno kakati n’obwongo bwaffe nebutwalirizibwa ensi eno n’ebirowoozo byaffe nebitwalirizibwa ebyo ebya buli kiseera ebya bulijjo n’embeera zaffe zonna nezigenda nga zikyamiririra ate netulowooza nti eyo gyebikyamiridde gyebirina okutambulira ng’ate si bwekiri.

Okukyusibwa n’okufuusibwa kw’obulamu bwaffe okwezza obuggya abantu tebakyabitegera buli omu yeyisa nga bwalabye ng’ate embeera ezo si za Katonda,” Bp Lwanga bweyabuliridde abakkiriza.

Mmisa eno yetabiddwako  Bp. Innocentios Byakatonda atwala Burundi ne Rwanda ng'ono akubiriza abazadde okutwala okusomesa abaana ng'ekikulu.

“ Okusomesa abaana Klesia n’abazadde benyinni balina okukitwala ng’ekikulu kubanga twolekedde okusomoozebwa Kunene singa abaana tebasomesebwa okubangulwa mu mbeera z’omwoyo ate n’omubiri kubanga bebasinga obungi,” Bp Byakatonda nga Munnayuganda bweyakubiriza ku ky’okusomesa abaana.

Olunaku luno lukuzibwa buli August 6, buli mwaka nga wano mu Uganda lukwatibwa Degeya awatandikira eddiini y'Obusodokisi.

Ye Viika w'Eklisia Fr. Paul Mutaasa asabye Abasodokisi b'ekiggo kino okubeerako ne Pulojekiti zebakola ate okufuna Ssente ezitambuza emirimu gya Mukama.

More From The Author

Emboozi z’omuwandiisi endala

Emboozi endala

Long1 220x290

BUKEDDE W’OLWOMUKAAGA YAFULUMYE...

Bobi Wine, mukazi we amutunuddeko e Makindye gy’akuumirwa n’azirika olw’embeera gy’alimu. Omubaka Zaake bamuleese...

Candia 220x290

Nnannyini wooteeri ya Pacific e...

NANNYINI wooteeri ya Pacific Hotel mu kibuga Arua asambazze ebyayogeddwa poliisi nti emmundu ez’ekika kya SMG ebbiri...

Genda1 220x290

Baka balamu bange bannemesezza...

NZE Shifrah Nalwadda 25. Mu 2016 omusajja ayitibwa Akim yankwana era nange ne musiima ne mmukkiriza n’antwala ewuwe...

K3 220x290

Ab'e Kamwokya bazzeemu okwekalakaasa:...

Ab'e Kamwokya bazzeemu okwekalakaasa: Baagala Bobi Wine ayimbulwe

Ssenga1 220x290

Omukyala alina siriimu nkole ntya...

Ssenga nsaba kunnyamba. Nakizudde nti mukyala wange alina akawuka akaleeta siriimu naye nze sirina nkole ntya....