TOP
  • Home
  • Amawulire
  • Charles Peter Mayiga yebazizza obuganda okwetaba mu Jubireewo

Charles Peter Mayiga yebazizza obuganda okwetaba mu Jubireewo

By Dickson Kulumba

Added 9th August 2018

Charles Peter Mayiga yebazizza obuganda okwetaba mu Jubireewo

Kib2 703x422

KATIKKIRO Charles Peter Mayiga yebazizza Obuganda olw’okukwatira awamu mu kutegeka emikolo gy’amatikkira ga Kabaka ag’omulundi ogwa 25 nagamba nti kino kyayongedde okunyweza omwoyo gwa Buganda.

Bino yabyogeredde Bulange- Mmengo ku Lwokubiri August 7, 2018 ku mukolo kweyatikulidde abatuuze okuva mu maggombolola ag’enjawulo okuva e Buddu ne Busiro abaleese oluwalo lwabwe okuddukirira emirimu egikolebwa Obwakabaka nayongera okwebaza abantu olw’okwaniriza obulungi abagenyi ba Kabaka abaava e Ghana.

“Mu myaka 32 bukya Omulangira Mutebi ava mu buwanganguse kati nga n’eddaala ery’Obulangira yalivaako nga kati ye Kabaka waffe. Mu myaka egyo 32, Buganda yakafuna emikolo egyamaanyi ndowooza essatu;- ogusooka gweegwo ogw’e Naggalabi nga July 31,1993, omukolo ogw’okubiri nze gwendowooza ogwamaanyi gwaliwo nga August 27,1999 sirowooza nti Uganda mwali mubaddemu omukolo bwegutyo bukya twefuga ate ogw’okusatu gwe gwa Jubireewo gwetwakamaliriza ng’ettutuumu Buganda lyefunye livudde ku mwoyo gwa Buganda ogutafa abantu gwebooleseza,” Mayiga bweyebazizza abantu.

Mayiga yayongedde neyebaza abaliko ba Katikkiro ku Mulembe Omutebi Okuli Mayanja Nkangi, Joseph Mulwanyammuli, Ying. JB Walusimbi n’abalala, Baminisita, abakungu ku mitendera egy’enjawulo olw’omulimu gwebaakola era n’abali mu bifo bino gwebakyakola okutambuza emirimu gy’Obwakabaka.

“ Njagala tusosowaze okukola mu myaka gino emirala egya Jubireewo gyetutandise kubanga ne Federo nebwenejja olina kubeera ng’okola, Katikkiro yanaleeta emmere ku ssowaani yo? Naye okukola kikulu. Temugwamu ssuubi nga muli wamu, federo tujja kugifuna,” Mayiga bweyakunze abantu okunyikirira okukola.

Ye Minisita omubeezi owa Gavumenti ez’ebitundu e Mmengo, Joseph Kawuki yasabye abaami ba Kabaka okulondoola emirimu gyonna egikolebwa mu bitundu byabwe nga babikolamu alipoota zireetebwa e Mmengo okusobola okugonjoola okusomoozebwa kwonna.

Aba Mutuba XVIII Kibinge nga bakulembeddwamu Hajj Mohammad Musesere bebasinze okuleeta ensimbi 3,025,000/-, Mutuba XXI Lwabenge 918,000/-, ab’ekibiina Buganda Bumu n’eminywanyi 900,000/- n’abaana abato 110,000/-, aba St. Charles Lwanga Technical Institute Butende, Ab’e Nsangi- Busiro 2,540,000/- n’abe Kitanda nabo baleese ensimbi nga zonna wano ezaleteddwa e Mmengo zabadde 8,723,700/-

Omukolo gwetabiddwako Baminisita b’Obwakabaka abawerako era ng’abayizi okuva mu masomero ag’enjawulo basanyusizza abantu abetabye ku mukolo guno.

More From The Author

Emboozi z’omuwandiisi endala

Emboozi endala

Sadblackcouple 220x290

Omwami wange alina buzibu ki?

OMWAMI wange ansobedde. Nga tugenda okwebaka tayagala kwegatta naye mu kiro ssaawa nga 9:00 mu matumbibudde ankwata...

Rupiny1 220x290

Africell eyiye kavu wa bukadde...

KAMPUNI y’amasimu eya Africell etadde kavu wa bukadde 15 mu mpaka z’omupiira ez’okukuza amazaalibwa ga Yesu ezitegekeddwa...

Title 220x290

BUKEDDE W’OLWOKUTAANO YATUUSE DDA...

Militale etandise ebikwekweto bya Ssekukkulu era eyodde 200 abatigomya Kampala n’emiriraano.

Noise 220x290

Abatendeka baddereeva abamu ba...

BADDEREEVA okulemeramu okuvugisa ekibamo kivudde ku masomero mwe baayigira okuvuga agatalina bisaanyizo nga kye...

Plus 220x290

Bebe Cool awadde Bannayuganda essuubi...

OMUYIMBI Bebe Cool ayanjulidde Bannayuganda naddala abayimbi abakyanoonya okuvaayo ettu lye yabaleetedde okuva...