TOP
  • Home
  • Amawulire
  • Baleese empingu ezaakozesebwa mu kutta omukazi ewa Ssebuufu

Baleese empingu ezaakozesebwa mu kutta omukazi ewa Ssebuufu

By Musasi wa Bukedde

Added 10th August 2018

Baleese empingu ezaakozesebwa mu kutta omukazi ewa Ssebuufu

Dik1 703x422

Ssebuufu ali ku musango

OLUDDA oluwaabi mu musango gw’okutta omusuubuzi Betty Donah Katusabe luleese ebizibiti omubadde empingu ezigambibwa nti ze zaakozesebwa mu kutulugunya n’okutta omukazi ono.
 
Okusinziira ku yakulira mu okunoonyereza ku musango guno Detective AIP Peter Warya empingu zino yazisanga mu nnyumba ya Paul Tasingika avunaanibwa n’omugagga Mohammad Ssebuufu atunda mmotoka ku Pine mu kutta Katusabe.
 
Warya yagambye nti bwe baagenda mu nnyumba ya Tasingika okunoonya obujulizi, empingu baagisanga agisibye mu kiteeteyi kya mukyala we ng’agikwese mu keesi.
Empingu zino ziragiddwa omulamuzi Anglin Ssenoga nga ziriko n’ebisumuluzo byazo era ne zikkirizibwa ng’ekizibiti mu musango guno.
 
Agambye nti mu keesi mwalimu n’essimu nnya Tasingika ze yali akwese nga byonna byatwalibwa ku poliisi abakugu okubyekebejja bazuule b’ani be yakubira ku lunaku Katusabe lwe yattibwa.
 
Oludda oluwaabi era luleese ebizibiti by’amasimu ebibadde bisibye omusango oluvannyuma lw’okumala omwezi mulamba nga balinda CMI okubibakwasa.
Muno mubaddemu amasimu g’abavunaanibwa poliisi ge yabaggyako agagambibwa nti ge baakozesa okwogeraganya nga October 23, 2015 Katusabe lw’attibwa.
 
Warya yabadde mujulizi wa 24 mu musango guno oguvunaanibwa abantu munaana abakulemberwa Ssebuufu, Damaseni Yoweri, Ssentongo, Kitayimbwa, Steven Lwanga, Shaban Odutiu, Philip Mirambe, Steven Kayiza ne Paul Tasingika,
Bano bagambibwa okuba nga batta Katusabe olw’abanja lya bukadde mwenda ezaali zisigadde ku mmotoka Ssebuufu gye yamuguza

More From The Author

Emboozi z’omuwandiisi endala

Emboozi endala

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...

Magaya 220x290

Abawala 98 banunuddwa ku babadde...

ABEEBYOKWERINDA banunudde abawala 98 ababadde bakukusibwa okutwalibwa mu nsi za bawalabu okukuba ekyeyo.