TOP

Batongozza lipoota ku baana abatulugunyizibwa

By Benjamin Ssebaggala

Added 11th August 2018

GAVUMENTI etongozza alipoota eraga nti omuwendo gw’abaana abatulugunyizibwa mu ggwanga gweyongedde, Hajat Janat Mukwaya, minisita w’ekikula ky’abantu n’alabula abaakola lipooti bakomye okukozesa ebifaananyi ebivvoola ekifaananyi ky’abaana n’eggwanga.

Dont 703x422

Okuva ku ddyo; Bigirimaana, Nakiwala, Hajjat Mukwaya ne Dr. Mulenga nga batongoza lipoota.

Mukwaya olwakutte ekitabo kya lipooti n’abuuza lwaki eyakuba ekifaananyi ekiri ku ddiba ly’ekitabo teyasooka kulagira mwana n’alongoosa ennyindo mu kifo ky’okumukuba ekifaananyi ekimuswaza so nga kigenda kubeerawo obulamu bwe bwonna.

Omukolo gwabadde ku Imperial Royal Hotel mu Kampala ku Lwokuna. Gavumenti ya Uganda okuyita mu minisitule y’ekikula ky’abantu, yatongozezza lipooti evudde mu kunoonyereza okwakoleddwa ebitongole bya Gavumenti eby’enjawulo n’abagabi b’obuyambi.

Okutulugunyizibwa kuno kwayawuddwaamu emiteeko esatu, okuli okukabasanyizibwa, okukuba omwana n’afuna obuvune ku mubiri oba okutulugunyizibwa mu birowooza omwana n’afuna okweraliikirira oba okwennyamira buli kiseera.

Okunoonyereza kulaga nti obugwanjuba bwa Uganda ky’ekitundu ekisinze okuvaamu abaana abatulugunyizibwa. Uganda yonna ku bantu abakulu bana b’osanga, abasatu babeera baafuna okutulugunyizibwa okw’enjawulo mu buto.

Abantu basatu b’osanga kubeerako omu nga yayita mu kutulugunyizibwa waakiri ebika bibiri ku biragiddwa waggulu.

Ng’oggyeeko Gvumenti ya Uganda, okunoonyereza kwawagiddwa ebitongole n’ebibiina ebigaba obuyambi okuli USAID, U.S. Centers for Disease Control and Prevention (CDC) ne UNICEF nga kwakoleddwa okwetoloola Uganda yonna.

Omubaka wa Amerika mu Uganda Deborah R. Malac yategeezezza nti, ekisinga okuluma kwe kulaba nti omwana abeera atulugunyiziddwa ate bamuteekako olukongoolo n’ayongera okwekyawa.

Yagambye nti abantu bonna tebasaana kuwuliriza buwuliriza abaana abatulugunyiziddwa wabula basaanye okuloopa ebikolwa ebyo mu b‘obuyinza.

Malac yakiggumizza nti Amerika yaakugenda mu maaso n’okuwagira enteekateeka za Uganda mu kulwanirira eddembe ly’abaana.

Yasabye nti ebizuuliddwa mu kunoonyereza kati bisaana babiggye mu bigambo batandike okubiteeka mu nkola.

Minisita omubeezi ow’abavubuka n’abaana Florence Nakiwala Kiyingi yagambye nti waakugenda mu maaso ng’ateeka mu nkola ekiragiro kya Gavumenti okuggala amaka gonna ageefudde nti galabirira abaana so nga mu butuufu babatulugunya.

Akiikirira Unicef mu Uganda, Dr. Doreen Mulenga yategeezezza nti ebyazuuliddwa byeraliikiriza.

More From The Author

Emboozi z’omuwandiisi endala

Emboozi endala

Letter002pix 220x290

Abaserikale ba poliisi y'oku mazzi...

ABASERIKALE ba poliisi erawuna ennyanja bataano bagudde mu mazzi eryato mwe babadde batambulira nga bali ku mirimu...

Tega 220x290

Bazzukulu ba Ssekabaka Ssuuna batabuse...

EBY’ETTAKA ly’e Lubowa ku lw’e Ntebe gavumenti ly’eyagala okuwa yinvesita azimbeko eddwaaliro ery’omulembe byongedde...

Kakiiko 220x290

Abaana ba Muteesa bongedde bwiino...

OMULANGIRA David Wassajja azzeeyo mu kakiiko k’Omulamuzi Catherine Bamugemereire ku by'ettaka ly’e Mutungo eryali...

Gaba 220x290

Ssaabayaga El Chapo afunye essuubi...

SSAABAYAGA wa Mexico ow’omutawaana eyasingisiddwa emisango mu kkooti y’e New York mu Amerika nga kati alindiridde...

Nintchdbpict000469217653 220x290

Kwiini mwennyamivu olw'engeri Omuzaana...

KKWIINI wa Bungereza Elizabeth II tamatidde ku ngeri Omuzaana Meghan Markle gy’ayiwaayiwa ensimbi bw’akoze akabaga...