TOP

Kamuswaga aleese ettu okuva e Bungereza

By Musasi wa Bukedde

Added 11th August 2018

KAMUSWAGA w’e Kooki akomyeewo mu ggwanga okuva e Bungereza n’akakasa Abakooki nti enkulaakulana yaakweyongera mu kitundu kyabwe.

Sansa 703x422

Kamuswaga w’e Kooki, Apollo Sansa (mu ssuuti) nga yaakatuuka ku kisaawe ky’ennyonyi e Ntebe; addiriddwa Katikkiro w’e Kooki Hajji Iddi Ahmed Kiwanuka (mu byeru)

BYA GODFREY SSEMPIJJA

Bino Kamuswaga Apollo Sansa yabyogedde yaakatuuka ku kisaawe ky’ennyonyi e Ntebe okuva e Bungereza gy’amaze wiiki ennamba.

Ono yawerekeddwaako Katikkiro w’Obwakamuswaga, Hajji Iddi Ahmed Kiwanuka wamu ne Godfrey Kimbugwe nga baakomeddewo mu nnyonyi ya Emirates.

Ezimu ku nsonga ezaatwala Kamuswaga e Bungereza yakusakira Obwa kamuswaga era ng’ebimu ku bye baataddeko essira kuliko ebyobulamu, ebyenjigiriza okuzimba enzizzi ez'omulembe.

Katikkiro yategeezezza nti baagala okulaba nga Kooki ayongera okulaakulana mu buli kintu, Abakooki basobole okweyagalira mu ggwanga lyabwe.

Yakaatiriza ensonga y’okutandikawo ttivvi ne leediyo kubanga balina ebyuma byonna nti kyokka abakulira ebyempuliziganya tebannabakkiriza wamu n’okubawa omukutu kwe balina okukolera naye n’agumya Abakooki nti obudde bwonna baakutandika .

Yagasseeko nti olugendo lwabwe terugenda kubasala kubanga baakufunamu nnyo era nti waliwo abasawo abagenda okutuuka mu ggwanga okuva e Bungereza, abasoba mu 40 abagenda okujjanjaba abatuuze b’e Kooki era omulimu guno gwakubeera mu ddwaaliro ly’e Rakai General Hospital.

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...