TOP
  • Home
  • Ageggwanga
  • Abasamize abaasaddaase omuwala balaze Poliisi entaana mwe baaziika abalala 4

Abasamize abaasaddaase omuwala balaze Poliisi entaana mwe baaziika abalala 4

By Stuart Yiga

Added 12th August 2018

Poliisi e Naggalama mu disitulikiti y’e Mukono ekutte abasamize bana abateeberezebwa okusaddaaka omuwala ayitibwa Zulaika Mirembe, n’abantu abalala bana!

Emiramboegyazuuliddwangagizingiddwamubiveera 703x422

Abasamize nga balaga Poliisi emirambo gy'abantu abalala be batta ne babaziika mu ntaano mu ssabo

Poliisi e Naggalama mu disitulikiti y’e Mukono ekutte abasamize bana abateeberezebwa okusaddaaka omuwala ayitibwa Zulaika Mirembe, n’abantu abalala bana!

Aduumira Poliisi e Naggalama, Jesca Naawe, yategeezezza Bukedde nti, abooluganda lwa Mirembe beekubira enduulu ng’omuntu waabwe abuze era ne batandika okunoonya waali.

Naawe ayongerako nti, oluvannyuma waliwo eyabaleeetedde amawulire n’abategeeza nti omuntu gwe banoonya yamulabyeko ew’omusamize ayitibwa Owen Sebuyungo, 24, era ne bagendayo n’abakakasa nti, ewuwe yali agenzeeyo ng’atawaanyizibwa empewo.

Sebuyungo yakwatiddwa ne Junior Kibuuka, Fred Kiiza Semanda, ne Muhammed Wamala oluusi eyeeyita ‘Bob’ era nga bonna bakuumirwa ku Poliisi e Naggalama.

Oluvannyuma lw’okukunyizibwa bambega ba Poliisi, bonna abana bakkirizza nti kituufu baasazeeko omuwala omutwe era oluvannyuma ne baguziika mu ssabo lyabwe erisangibwa e Ntunda-Kayunga.

 zimu ku ntaana omwasimiddwa emirambo mu ssabo Ezimu ku ntaana omwasimiddwa emirambo mu ssabo

Poliisi era ezudde amafumu saako ensuwa omubadde omusaayi ogwalembekeddwa okuva mu mugenzi.

Poliisi era enoonyereza ku bigambibwa nti waliwo abawala abalala basatu omusamize Wamala be yajja mu bitundu by’e Nansana-Ganda n’abatta oluvannyuma n’abaziika mu ssabo ng’anoonya obugagga.

Ye Sebuyungo yategeezezza Poliisi nti okusaddaaka kwonna kw’abadde akola abadde asooka kwebuuza ku mpewo ze n’ekigendererwa eky’okwagala okufuna obugagga.

"Emirambo gye tuzudde tugitutte mu kkeberezo lya gavumenti okuzuula abooluganda era nga tukyanoonyereza okuzuula oba waliwo abantu abalala abattibwa ne baziikibwa mu masabo amalala 5," Bw’atyo ASP Naawe bwe yagambye.

More From The Author

Emboozi z’omuwandiisi endala

Emboozi endala

Drssempangieyasingaanidwamumakagenanyonyolawebuse 220x290

Abaana Abakaramoja basomesebwe...

Ssempangi awabudde gavumenti ku baana b’e Karamoja abasibira ku nguudo n’ategeeza nga bwe batundibwa abazadde okujja...

Chozenbeckyclearwebuse 220x290

Abayimbi beesunga kusanyusa badigize...

Abayimbi ab'amannya bali mu kuwawula maloboozi olw'okwesunga okuyimba mu Kyepukulu ekiwagiddwa Vision Group ne...

Lukiikombalirira7 220x290

Buganda eyisizza embalirira yaayo...

OBWAKABAKA bwa Buganda buyisizza embalirira y’Omwaka 2019/2020 ng’eno ya nsimbi 121,079,490,880/- nga kweyongera...

Samba 220x290

Omusika atunze ebiggya ku 1500/=!...

PULOFEESA Kiwanuka Ssemakula amaziga gaamuyunguse bwe yatuuse ku butaka gy’asibuka ng’amalaalo ga kitaawe gaatundibwa...

Kub2 220x290

Gavt. esiimye ebitongole ebisikiriza...

Gavt. esiimye ebitongole ebisikiriza abavubuka okuyingira obulimi n’obulunzi