TOP
  • Home
  • Ageggwanga
  • Eyabbye mmotoka ya muganda wa Bobi Wine bamukutte agitunda e Mutundwe

Eyabbye mmotoka ya muganda wa Bobi Wine bamukutte agitunda e Mutundwe

By Eria Luyimbazi

Added 14th August 2018

POLIISI ekutte omusajja eyabbye emmotoka ya muganda w’omubaka, Robert Kyagulanyi Ssentamu amanyiddwa nga Bobi Wine e Kamwokya n’agezaako okubaako baagiguza.

Bugembe2 703x422

Bugembe ng’aliko by’abuulira OC wa poliisi ya Kira Road, Ahweera oluvanyuma lw’okuzuula mmotoka ye eyabadde ebbiddwa. Mu katono ye Mulindwa.

Wamala Mulindwa 25, omutuuze w’e Mutundwe mu Kweeba zooni ye yakwatiddwa poliisi ya Kira Road oluvannyuma lw’okubba mmotoka ya Ivan Bugembe gye yasanze mu paakingi e Kamwokya ku Lwomukaaga.

Omwogezi wa poliisi mu Kampala n’emiriraano, Luke Owoyesigyire yagambye nti okukwata Mulindwa kyaddiridde abantu be yabadde agezaako okuguza mmotoka eno nnamba UAU 272W e Mutundwe okutemya Weidong ng’alambuza baminisita Kasaija ne Muloni ekkolero eppya. ku poliisi bwe baakizudde nti yabadde talina biwandiiko bigyogerako.

“Twatemezeddwaako abantu nga bwe waliwo omuvubuka eyabadde agezaako okubaguza mmotoka wabula nga talina biwandiiko byayo era abaserikale baagenzeeyo ne bamukwata n’emmotoka era ne bakizuula nti yabadde enoonyezebwa oluvannyuma lwa nnyiniyo okuloopa ku poliisi,” Owoyesigyire bwe yategeezezza.

Yagambye nti oluvannyuma lw’okukwata Mulindwa yabuulidde poliisi ng’emmotoka eno bwe yagibba ku Lwomukaaga era ng’abaguzi be yagitwalidde yabadde agibaguza ku bukadde musanvu nga wano abaserikale we baamukwatidde.

Yategezezza nti Bugembe yabuulidde poliisi nti mmotoka ye yabbibwa ku ssaawa 11:00 nga bukya mu kiro ekyakeesa ku Lwomukaaga mu paakingi e Kamwokya oluvannyuma lw’okugendayo naasanga nga teriiwo kyokka nga Mulindwa eyagibba yali yamusembeza okubeera naye.

Mulindwa akuumirwa ku poliisi ya Kira Road nga yagguddwaako omusango ku fayiro SD 38/11/08/2018 ng’okunoonyereza bwe kugenda mu maaso.

More From The Author

Emboozi z’omuwandiisi endala

Emboozi endala

Deb2 220x290

Aba UPDF bateereddwa ku ssomero...

Aba UPDF bateereddwa ku ssomero eryayidde e Rakai

Leb2 220x290

Emmotoka mwe ntambulira etuuse...

Emmotoka mwe ntambulira etuuse okunsuza ku kkuno-Bp. Ssebaggala

Pop1 220x290

Aba Poliisi ababadde bavunaanibwa...

Aba Poliisi ababadde bavunaanibwa okutta Kirumira bateereddwa

Pi3 220x290

Apass ajereze Kenzo ne Fik Fameica....

Apass ne Eddy Kenzo bawakana ani asinga okwesala emisono wabaluseewo olutalo lw'ebigambo

Sev2 220x290

Pulezidenti asisinkanye abagagga...

Pulezidenti asisinkanye abagagga abalwanira ebizimbe mu Kampala