TOP
  • Home
  • Agawano
  • Abasajja mutuukirizie obuvunaanyizibwa bwammwe mu maka - Minisita Sekabembe

Abasajja mutuukirizie obuvunaanyizibwa bwammwe mu maka - Minisita Sekabembe

By Musasi wa Bukedde

Added 15th August 2018

MINISITA ow’emizannyo, abavubuka n’okwewummuza, Henry Ssekabembe Kiberu asomoozezza Abaganda okukomyaawo ekitiibwa ky’amaka kubanga ge gakola eggwanga ng’awatali kino Uganda eri mu katyabaga.

Naffe 703x422

Minisita Ssekabembe (owookubiri ku ddyo) ng’akwasa ab’eggombolola ya Mutuba XII Kkingo abaakulembeddwaamu Omwami w’eggombolola, Elizabeth Nalwanga ne banne, ekifaananyi kya Kabaka ne kuleeti y’omwenge gwa Ngule. Ku ddyo ye Harris Lubega.

Bino yabyogeredde Bulange - Mmengo ku Lwokubiri eri abantu okuva mu ggombolola ez’enjawulo mu ssaza ly’e Buddu mu Disitulikiti y’e Lwengo n’asaba abasajja okufaayo okutuukiriza obuvunaanyizibwa bwabwe mu maka baleme kubulekera bakyala bokka.

“Singa tunaanyweza amaka ne gabaamu obuwangwa n’ennono, ebirala byonna bijja kugonda.

Minisita Ssekabembe era yakunze abantu Mmengo okuteeka essira ku kuweerera abaana n’okukola obutaweera okusobola okugoba obwavu n’abasaba n’okujja mu bungi e Kibibi - Butambala nga August 25,2018 nga Kabaka aggalawo empaka z’omupiira gw’ebika by’Abaganda wakati w’Enkima n’Empindi.

Mutuba XII Kkingo nga baakulembeddwamu Elizabeth Nalwanga Muwanga baleese 3,530,000/-,Mutuba VII Lwengo;- 1,740,000/-, Mutuba XIV Malongo;- 575,000/-, Mutuba XIII Kisekka;- 2,500,000/- ne Mutuba I Buwunga;-1,550,500/- nga zonna wamu zaasusse obukadde 10.

Ate Omubaka omukazi owa Lwengo mu Palamenti, Cissy Namujju yawaddeyo 900,000/-.

More From The Author

Emboozi z’omuwandiisi endala

Emboozi endala

Ka1 220x290

Carol Nantongo bamukoledde akabaga...

Omuyimbi Carol Nantongo bamusuddeko akabaga k'amazaalibwa n'akaaba olw'essanyu.

Bak1 220x290

Omukazi afiiridde mu dduuka lye...

Omukazi afiiridde mu dduuka lye

Kab2 220x290

Museveni atongozza okugaba bbasalee...

Museveni atongozza okugaba bbasalee Bunyoro

Tum2 220x290

Bbanka enkulu emenyewo byebaayogera...

Bbanka enkulu emenyewo byebaayogera ku kuggala Banka

Rem2 220x290

Bawambye omuwala mu Kampala ne...

Bawambye omuwala mu Kampala ne bamutta