TOP

Famire erumirizza abaserikale okupanga obujulizi

By Musasi wa Bukedde

Added 16th August 2018

FAMIRE ya Bobi Wine erumirizza poliisi nti eri mu kkobaane okupanga ebizibiti by’emmundu n’ekigendererwa eky’okussa emisango gy’okulya mu nsi olukwe ku muntu waabwe.

Nsale 703x422

Barbie (ku ddyo) muka Bobi Wine ng’ayogera eri abaamawulire eggulo. Ku kkono ye Eddie Yawe ate wakati ye Fred Nyanzi baganda ba Bobi Wine.

Baagambye nti beewuunyizza okulaba poliisi ng’eyanjula ebizibiti okuli emmundu ebbiri ez’ekika kya SMG, poliisi z’egamba nti yazikwatidde mu kisenge kya Bobi Wine ku Pacifi c Hotel mu kibuga Arua.

Eddie Yawe mukulu wa Bobi Wine yagambye nti, kino poliisi yakikoze okupanga omusango gw’okulya mu nsi olukwe ku mubaka Robert Kyagulanyi.

Yawe yagambye nti: Bobi Wine takwatanga ku mmundu, tamanyi na bwe bagikuba era okumusibako emmundu ebbiri, bujulizi bwa nkukunala nti Gavumenti eyagala kumusibako musango omunene oguyinza n’okumutwaza mu kkomera okumala ebbanga eriwerako.

Baagambye nti ebizibiti ebyogerwako byalagiddwa bannamawulire nga wayise ennaku bbiri bukya akwatibwa era baabadde n’obudde bwonna okutegeka ebizibiti byabwe.

Yabuuzizza nti: wooteeri agatali maka ga muntu, oyinza kumatiza otya omuntu nti ebizibiti by’oleese ku Lwokusatu (eggulo) bya kasitoma eyali mu wooteeri ku Mmande? Yawagiddwa Barbie eyagambye nti ebyo bipange tebayinza kubikkiriza.

Aba famire baasoose mu lukiiko lwa bannamawulire eggulo ku makya ku Ssemakookiro Plaza ne bategeeza nti, okusinziira ku mawulire ge bafuna, Kyagulanyi ne banne abalala bwe baakwatiddwa okuli n’ababaka ba palamenti Zaake Butebi, Paul Mwiru, Gerald Karuhanga n’abalala baatulugunyiziddwa ekisusse era baagala Gavumenti ebabawe babajjanjabe.

Olukuççaana luno lwabaddemu aba famire ya Kyagulanyi abaakulembeddwa baganda be, Fred Nyanzi, Eddie Yawe, Stephen Ssentamu ne mukyala we Barbie Itungo Kyagulanyi.

Lwabaddemu n’abeemikwano naddala abayimbi b’ekibiina kya Fire Base, bakyala baabwe ne bazadde ba Kyagulanyi okuva ku ludda lw’ebukojja ne munnamateeka we Andrew Karamagi.

Baawadde essaawa 48 zokka Gavumenti okuyimbula Kyagulanyi bwe kigaana, bagenda mu kkooti ebawalirize okumuta awatali kakwakkulizo konna.

More From The Author

Emboozi z’omuwandiisi endala

Emboozi endala

Benitez22 220x290

Benitez munyiivu olwa Newcastle...

Newcastle yeggyeeko omutendesi Benitez oluvannyuma lw'endagaano ye okuggwaako.

Oketchinstructinghisstudentswebuse 220x290

Oketch obwavu abugobye na kukola...

Mu kukola fulasika z'embaawo mwe nfuna ssente

Wanikaamaguluwebuse11 220x290

Bw'oyamba omuntu azirise nga tonnamutuusa...

By'olina okukola okuyamba omuntu azirise nga tonnamutuusa wa musawo okumutaasa obuzibu obuyinza okumutuukako

Lan1 220x290

Mbogo ne Kibuli beddizza ez'amasomero...

Mbogo ne Kibuli beddizza ez'amasomero mu Badminton

Gr2 220x290

Abagambibwa okutta owa Mobile Money...

Abagambibwa okutta owa Mobile Money babazizza e Zzana