TOP

Kanyama wa Bobi Wine akwatiddwa

By Martin Ndijjo

Added 25th August 2018

POLIISI nab’ebitongole by’okwerinda ebirala baakutte kanyama wa Bobi Wine ayitibwa Eddy Ssebuwufu nebamutwala mu kifo ekitannamanyika.

Edd12 703x422

Eddy Ssebuwufu amanyiddwa nga Eddie Mutwe

POLIISI nab’ebitongole by’okwerinda ebirala baakutte kanyama w'omubaka Robert Kyagulanyi Ssentamu (Bobi Wine) ayitibwa Eddy Ssebuwufu nebamutwala mu kifo ekitannamanyika.

 

SSebuwufu amanyiddwa nga Eddie Mutwe baamuggye ku Equotorial Parking mu kiro ekyakeesezza OLwomukaaga, bweyabadde acakala nebanne.

Ssebuwufu yali ne mukama we Bobi Wine mu kulonda kwa Arua kyokka ye yasobola okwemulula nadduka n’akomawo mu Kampala.

 

Omu ku baabadde ne Ssebuwufu ng’akwatinwa, Ronald Batanuka, amanyiddwa nga Ronnie Kawonawo ategeezezza nti baabadde mw'emu ku bbaala eziri mu kifo kino kyokka bweyalingizza wabweru, n’alengera kabangali za poliisi nga zisazeeko ekifo.

 

 ddy sebuwufu ku kkono amanyiddwa nga ddie utwe ngai ne obi ine Eddy Ssebuwufu (ku kkono) amanyiddwa nga Eddie Mutwe ng'ai ne Bobi Wine

 

Yayanguye okutemya ku banne basale amagezi okuva mu kifo ekyo nebasalawo bafulume babulewo. Bakkiridde wansi kyokka Ssebuwufu yabadde agezaako okulinnya mmotoka, abasajja abaabadde mu ngoye eza bulijjo nebamuvumbagira.

 

Baamunywezezza okukkakkana nga bamuyingizza mu mmotoka kika kya Super Custom eyasimbuliddewo ku sipiidi. Yawalekeddwako patuulo ttaano, era tebazzeemu kugirabako.

 

Batanuka agamba nti batuuseeko ku poliisi ya CPS ne Wandegeya okuzuula oba Ssebuwufu gyebamututte kyokka nga yonna taliiyo.

 

Ssebuwufu abadde yaakava okweyanjula ku kkooti ya Buganda ku misango ogwamuggulwako ne banne lwebekalakaasa nga bawakanya omusolo gwa mobile money ne 'social media'.

 

Tekimanyiddwa ngeri Ssebuswufu gyeyasimattuka ku kwatibwa mu Arua n’asobola okudda mu Kampala kyokka ab’ebyokwerinda baasigala bamulondoola okutuusa lwebaamukutte.

 

Omwogezi wa poliisi Emilian Kayima bweyatuukiriddwa yategeezezza nti tannamanya ku kyakukwatibwa kwa kanyama ono.

More From The Author

Emboozi z’omuwandiisi endala

Emboozi endala

3f74e568a3684a1eac5d6d555644365318 220x290

Magufuli alagidde abaddukanya ekidyeri...

OMUWENDO gw’abantu abaafiiridde mu kidyeri mu nnyanja Nnalubaale gwongedde okulinnya! Pulezidenti wa Tanzania John...

Sevo 220x290

Ab'e Rubirizi basabye Museveni...

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza...

Budgetkasaijaweb 220x290

Bawera kusimbira kkuuli enteekateeka...

ABABAKA ku kakiiko ka palamenti akavunaanyizibwa ku byobulimi bawera kusimbira kkuuli enteekateeka z’okuyisa embalirira...

Kola 220x290

Mukolerere obukadde bwammwe - Minisita...

MINISITA omubeezi ow’ebyenguudo Gen. Edward Katumba Wamala akubirizza abantu okukolerera obukadde bwabwe nga bakyalina...

42312484102150760182472974931861717081653248n 220x290

Bobi Wine eby’okutulugunya abantu...

BOBI Wine ne banne eby’okubatulugunya babitutte mu kibiina ky’amawanga amagatte (UN ), era boongedde okukungaanya...