TOP
  • Home
  • Diaspora
  • Omukugu annyonnyodde ekiretera poliisi obukambwe n'okutulugunya abantu

Omukugu annyonnyodde ekiretera poliisi obukambwe n'okutulugunya abantu

By Musasi wa Bukedde

Added 27th August 2018

MUNNAYUGANDA omukugu mu kubuuliriza ku by’emisango agambye nti obukambwe bwa poliisi n’amagye eri abantu babulijjo mu mawanga ga Afrika bususse ogw’omulamuzi kyokka n’agamba nti bino abafuzi b’amatwale be baabitandika okutukuumira mu buddu.

Img8897 703x422

Musaazi

Musaazi agamba nti poliisi n’amagye mu Afrika  bakiraba ng’ekya bulijjo okutulugunya abantu kuba abafuzi b’amatwale abagitandika bagissaawo kubakuumira mu buyinza n’okulemesa abantu baabulijjo abaali baagala okweranako n’okubalemesa okutuukiriza ebigendererwa byabwe.

Musaazi okwogera bino kiddiridde okutulugunya abantu okuzze kubeerawo mu bitundu by’eggwanga eby’enjawulo nga poliisi n’amagye gakuba abantu emiggo, amasassi n’okubakolako ebikolobero mwe baatwalidde n’ababaka ba Palamenti.

Agamba nti omuntu bw’aba alina omusango gwazizza, akwatibwe atwalibwe mu kkooti avunaanibwe.

Musaazi yagambye nti  eno y’ensonga lwaki abafuzi b’amatwale bassaawo  enkambi za poliisi nga buli we baagalira abaserikale basobole okubaggyayo ne babatwala okukkakkanya abantu bwe baba baliko ekibanyiizizza ne basalawo okukola effujjo.

Yategeezezza nti mu mawanga g’Abazungu abapoliisi basula mu bantu baabulijjo ku poliisi bagendayo kwambala yinifoomu kukola mirimu bwe kiba kibeetaagisizza n’agamba nti kyokka ebikolwa bino ebya poliisi okutulugunya abantu byefuze nnyo amawanga ga Afrika n’ekigendererwa ky’okukuumira gavumenti zaabwe  mu buyinza.

Yawadde eky’okulabirako e Guinea abantu bwe beegugunga nga baagala pulezidenti wayo Lansana Conte aveeko,ab’ebyokwerinda bakkakkana ku bantu ne babakolako effujjo n’okubatta.

Bino bye bimu ku byali e Gambia, Nigeria,Zimbabwe n’e Kenya poliisi n’amagye gye byatulugunya abantu. Mu mawanga agamu poliisi n’amagye byeyambisibwa mu bikolwa by’okubba obululu naddala obukosi bwe buba butambuzibwa.

Mu mbeera endala poliisi n’amagye byeyambisibwa kutiisatiisa bantu butenyigira mu kulonda bantu gavumenti b’eba teyagala.

More From The Author

Emboozi z’omuwandiisi endala

Emboozi endala

Condomismaelssempumatestimonywebuse 220x290

Enkozesa ya kondomu eneekutangira...

Okwesunga akaboozi ekisusse kiremesezza bangi okukozesa kondomu

Kab2 220x290

Leero mu mboozi z'omukenkufu tukulaze...

Leero mu mboozi z'omukenkufu tukulaze engeri butto w'obusigo bw'amapaapaali gy'akola ku maaso n'embuto ez'esiba...

Kig1 220x290

Akatabo ka Ham kawangudde engule...

Akatabo ka Ham kawangudde engule ey'okubiri

Kabaleeweb 220x290

Kabale Sharp bagikubye ne yeekwasa...

Kabale Sharp eya Big League, ewangudde Water FC, n'esannyalaza emikisa gyayo okwesogga liigi ya babinywera

Hajjathanifakawooya 220x290

Kkooti y'e Sembabule terina kaabuyonjo...

OMUBAKA omukazi owa disitulikiti y’e Sembabule, Hanifa Kawooya, asabye gavumenti okuzimba ekizimbe kya kkooti y’e...