TOP

Bagenero 2 be batutte mu kkooti y’amagye

By Musasi wa Bukedde

Added 27th August 2018

Bagenero 2 be batutte mu kkooti y’amagye

Leb2 703x422

Gen. Ssejjussa

Kale Kayihura ne David Sejusa (Tinyefuza) be Bagenero abajjuvu bokka abaakavunaanibwa mu kkooti y’amagye. Ekyenjawulo ku bombi, Tinyefuza yaleetebwa mu kkooti ku mpingu era yayisibwa mu kifo kya lukale.

Kyokka Kayihura yayisiddwa mu kifo kye kikungu awayita akulira kkooti eno eyatudde e Makindye, Lt. Gen. Andrew Gutti. Tinyefuza yayisibwa ng’omuntu wabulijjo. Engoye nazo yayambala zabulijjo.

Kyokka Kayihura yayambadde ekyambalo kye ekya genero n’ennyota ze zonna era yayisiddwa mu bitiibwa ebyo. Yakkiriziddwa okujja n’akasawo k’ekikungu omwabadde ebintu bye okuli peni n’empapula. Kayihura akomawo mu kkooti enkya okusaba okweyimirirwa.

Yapangisizza balooya abagambibwa okusinga okuba ab’ebbeeyi mu Uganda aba Kampala Associated Advocates. Bano ne Museveni be yapangisa mu misango gy’ebyokulonda.

Ekirala mu bagenda okumweyimirira kuliko bofiisa Maj. Gen. James Mugira eyali akulira ekitongole ky’amagye ekikessi ekya CMI ne Maj. Gen. Sam Kavuma Amyuka omuduumizi w’amagye g’oku ttaka. Ofiisa w’amagye yenna ali ku ddaala ly’awaggulu okweyimirira omuntu asooka kufuna lukusa kuva eri omuduumizi w’amagye.

Kino kiwa Kayihura enkizo okusaba kwe okuyitamu. Tinyefuza yavunaanibwa mu 2015 emisango gy’okwebulankanya ku mulimu n’okwetaba mu byobufuzi ng’akyali mu magye. Kkooti yali ekulirwa Maj. Gen. Levy Karuhanga. Yapangisa balooya okuli David Mushabe, Eria Lukwago ne Ladislas Rwakafuuzi.

More From The Author

Emboozi z’omuwandiisi endala

Emboozi endala

Kafeera 220x290

Leero luno!

NG’ENSI eri ku bunkenke bw’ekirwadde kya Coronavirus, abamu ku Bannayuganda batandise okubiteekamu omuzannyo bo...

Gaali 220x290

Ono booda agiyita mmotoka?

ONO taata w’abaana ekiragiro kya Pulezidenti eky’emmotoka eza buyonjo okutikka abantu basatu yakifunye bulala....

Bitone2 220x290

Nze sijja kuyimba kambawe akatono...

NG’ABAYIMBI beeyiwa mu situdiyo okukola ennyimba ezikwata ku kirwadde ku Coronavirus n’okukubiriza abantu okugoberera...

Kcca2 220x290

Oba adduse tutwale ekigaali n’emmaali...

OMUVUBUKA eyabadde atundira ennanaansi ku kigaali ebigere tebiba kumweyimirira ssinga kati ali mu mbuzi ekogga....

Njagala ananjagala nga bwendi

Njagala ali wakati w’emyaka 50 - 55, alina omulimu, omwetegefu okundabirira, okunfunira eky’okukola n’okugenda...