TOP
  • Home
  • Amawulire
  • Akkirizza okutta omusomesa n’amuziika mu ssabo

Akkirizza okutta omusomesa n’amuziika mu ssabo

By Musasi wa Bukedde

Added 27th August 2018

Akkirizza okutta omusomesa n’amuziika mu ssabo

Lop1 703x422

POLIISI ng’eyita mu kitongole kyayo ekya Flying Squad ekutte omusajja agambibwa okwetaba mu kutta omusomesa era Muganzi. Julius Ssemanda agambibwa okuba omusawo w’ekinnansi yakukunuddwa Namuganga mu Mukono gy’abadde yeekwese okuva lwe yatta Allen Nakiyingi 30, eyali omutuuze w’e Kimwanyi mu Munisipaali y’e Kira nga musomesa mu ssomero lya St. Agnes Nursery and Primary School ku kitundu kye kimu .

Okukwatibwa kyaddiridde abaserikale okumulinnya akagere ne bamanya ekitundu mwe yabadde yeekwese ne bagendayo ku Lwokutaano. Baamututte ku CPS n’ayogera engeri gye yattamu Nakiyingi n’okutuuka okumuziika mu nnyumba ku kyalo Kirolo e Matugga.

Ssemanda ku CPS yabuulidde abaserikale nti yatta Nakiyingi ng’alina munne amuyambako (naye anoonyezebwa) ne bamusala obulago oluvannyuma ne bamuggyamu olulimu nga balina emikolo gye baagala okutuukiriza. Oluvannyuma baasalawo okuziika omulambo gwe mu nnyumba poliisi mwe yagusanga nga wayise wiiki ssatu.

Omwogezi wa poliisi mu Kampala n’emiriraano Luke Owoyesigyire yategeezezza nti Ssemanda yakkirizza nga bwe yatta Nakiyingi kuba mu kunoonyereza poliisi kwe yakola, kulaga nga yasembayo okuba naye nga July 29, 2018 okutuusa lwe baasanga omulambo mu nnyumba.

Yagambye nti nga July 30 2018, muganda wa Nakiyingi, Nalunkuuma yagenda ku poliisi n’aggulawo omusango gw’okubula ekyavaako okumukwata ng’ono ye yatwala poliisi ku kyalo Kirolo, Ssemanda we yali asula gye baasanga omulambo nga guziikiddwa mu nnyumba nga August 7, 2018 nga gutandise okuvunda.

Oluvannyuma gwatwalibwa e Mulago okwekebejjebwa n’oluvannyuma ne gukwasibwa abooluganda. Ku Lwomukaaga nga August 25, 2018 Ssemanda yatwaliddwa mu maaso g’akulira ekitongole kya Flying Squad, Peter Kakonge n’akkiriza bwe yatta Nakiyingi ne bamusalamu olulimu ng’ayambibwako munne

More From The Author

Emboozi z’omuwandiisi endala

Emboozi endala

3f74e568a3684a1eac5d6d555644365318 220x290

Magufuli alagidde abaddukanya ekidyeri...

OMUWENDO gw’abantu abaafiiridde mu kidyeri mu nnyanja Nnalubaale gwongedde okulinnya! Pulezidenti wa Tanzania John...

Sevo 220x290

Ab'e Rubirizi basabye Museveni...

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza...

Budgetkasaijaweb 220x290

Bawera kusimbira kkuuli enteekateeka...

ABABAKA ku kakiiko ka palamenti akavunaanyizibwa ku byobulimi bawera kusimbira kkuuli enteekateeka z’okuyisa embalirira...

Kola 220x290

Mukolerere obukadde bwammwe - Minisita...

MINISITA omubeezi ow’ebyenguudo Gen. Edward Katumba Wamala akubirizza abantu okukolerera obukadde bwabwe nga bakyalina...

42312484102150760182472974931861717081653248n 220x290

Bobi Wine eby’okutulugunya abantu...

BOBI Wine ne banne eby’okubatulugunya babitutte mu kibiina ky’amawanga amagatte (UN ), era boongedde okukungaanya...