TOP
  • Home
  • Amawulire
  • Embeera ya bbebi w'omukozi wa Bukedde eyongedde okwonooneka: Atwalibwa Buyindi

Embeera ya bbebi w'omukozi wa Bukedde eyongedde okwonooneka: Atwalibwa Buyindi

By Joseph Mutebi

Added 28th August 2018

BBEBI wa munnamawulire wa Bukedde Mahd Lusiba eyalwala obwongo abasawo ne bamusindika agende e Buyindi alongoosebwe obwongo embeera ye yeeyongedde okwonooneka, bazadde be ne basalawo bamutwale ku Ssande ya wiiki eno okusobola okutaasa obulamu bwe.

Task 703x422

Bbebi Alpha

Alfa Lusiba ow’omwaka ogumu n’ekitundu mu kiseera kino embeera ye yeeyongedde okubeera embi , ssenyiga n’okukolola bwe byeyongedde ekintu ekimukosa ennyo obwongo bwe.

Taata wa Alfa omukozi wa Bukedde, Mahd Lusiba yagambye nti tebalina kyakukola kabatwale omwana e Buyindi nga tannayonooneka bwongo ku ssente ze baakafunawo ng’eno abazirakisa bwe bagenda mu maaso n’okubasondera ku ssente kubanga ssente ezeetagibwa nnyingi, ziri mu bukadde 200.

Alfa waakulongoosebwa obwongo emirundi ena ku bukadde 200, nga kino kirina okukolebwa buli luvannyuma lwa myezi mukaaga. Era ssente ezitandikirwako zeetaagisa obukadde nga 70 wabula nazo zikyagaanye okuwera.

Ku Lwomukaaga oluwedde, omuyimbi Gravity Omutujju ne Spice Diana n’abalala beenyigidde mu kaweefube w’okwoza mmotoka ku Fusion Auto Spa e Munyonyo era mwavuddemu obukadde 10.

Omwana Alfa yali mulamu bulungi wabula emyezi ebiri emabega maama we yagenda okuzuukuka ekiro mu ttumbi ng’omwana yaziriise dda mu buliri.

Yatwalibwa mu ddwaaliro e Lubaga gye yamala ebbanga lya wiiki emu n’ennaku ssatu ne bamulemererwa ne bamusindika e Mulago.

Omwana ono waakutwalibwa mu ddwaaliro lya “Neurogen Brain And Spine Institute” e Buyindi abajjanjaba obulwadde bwa “Post Meningoencephalitis” wabula obuzibu tulina okukozesa obwangu ng’ate kyetaagisa ssente nnyingi.

Omwana ono yeetaaga emitwalo gya ddoola 48,000 ez’okumujanjaba emirudi ena mu myaka ebiri gattako ddoola 5,000, ez’okusula okumala omwezi mulamba nga bavudde mu ddwaaliro gye banaamala wiiki emu wabula nga balina okumuzzangayo okulaba abasawo okumala omwezi mulamba nga bali mu Buyindi.

Lusiba yagambye nti omuzirakisa asobola okuweereza obuyambi bwa ssente bwonna ku ssimu ya Lusiba 0703337432 ne 0774991228 oba akawunti nnamba mu mannya ga Lusiba Mahd Jamada

More From The Author

Emboozi z’omuwandiisi endala

Emboozi endala

Drssempangieyasingaanidwamumakagenanyonyolawebuse 220x290

Abaana Abakaramoja basomesebwe...

Ssempangi awabudde gavumenti ku baana b’e Karamoja abasibira ku nguudo n’ategeeza nga bwe batundibwa abazadde okujja...

Chozenbeckyclearwebuse 220x290

Abayimbi beesunga kusanyusa badigize...

Abayimbi ab'amannya bali mu kuwawula maloboozi olw'okwesunga okuyimba mu Kyepukulu ekiwagiddwa Vision Group ne...

Lukiikombalirira7 220x290

Buganda eyisizza embalirira yaayo...

OBWAKABAKA bwa Buganda buyisizza embalirira y’Omwaka 2019/2020 ng’eno ya nsimbi 121,079,490,880/- nga kweyongera...

Samba 220x290

Omusika atunze ebiggya ku 1500/=!...

PULOFEESA Kiwanuka Ssemakula amaziga gaamuyunguse bwe yatuuse ku butaka gy’asibuka ng’amalaalo ga kitaawe gaatundibwa...

Kub2 220x290

Gavt. esiimye ebitongole ebisikiriza...

Gavt. esiimye ebitongole ebisikiriza abavubuka okuyingira obulimi n’obulunzi