TOP
  • Home
  • Buganda
  • ‘Bassentebe mwenyigire mu bulunzi n’obulimi mu kifo ky’okulwanira sitampu’

‘Bassentebe mwenyigire mu bulunzi n’obulimi mu kifo ky’okulwanira sitampu’

By Paddy Bukenya

Added 29th August 2018

“Okulondebwa ku bwa ssentebe bw’ekyalo buweereza na buvunaanyizibwa temulina kukitwala nga kyangu era mulina okutandikawo eby’okukola bye muggyamu ssente ezibayimirizaawo okusinga okulowooleza mu sitampu.”

Ssempijjangaayogeranebassentebebebyalobyempigi 703x422

Ssempijja ng'ayogera ne bassentebe b'ebyalo e Mpigi

MINISITA w’ebyobulimi atabukidde bassentebe b’ebyalo by’e Mpigi abalwanira sitampu n’abawa amagezi okwenyigira mu bulimi bwe baba baagala okwekulaakulanya.

Minisita w’ebyobulimi, obuvubi n’obulunzi, Vincent Ssempijja agugumbudde bassentebe b’ebyalo by’amagombolola agakola Mpigi olw’okulwanira sitampu nga balowooza nti ze zigenda okubakulaakulanya n’abawa amagezi okwenyigira mu bulimi n’obulunzi.

Ssempijja bino yabyogeredde mu lukun’gaana lwa bassentebe b’ebyalo bya disitulikiti y’e Mpigi olw’okubabangula mu bulimi n’obulunzi eby’omulembe olubadde ku ttendekero lya ‘Kampiringisa National Leadership Centre’ n’abalabula okukomya okulwanira sitampu z’ekyalo n’abasa obudde bwabwe obusinga okubumalira mu kulima beekulakulanye.

“Okulondebwa ku bwa ssentebe bw’ekyalo buweereza na buvunaanyizibwa temulina kukitwala nga kyangu era mulina okutandikawo eby’okukola bye muggyamu ssente ezibayimirizaawo okusinga okulowooleza mu sitampu,” Ssempijja bwe yategeezezza.

Bassentebe bano baasiimye Gavumenti ya NRM olw’enteekateeka ya bonnabagaggawale gye yabateerawo kyokka ne basaba minisita babayambe ku mutindo gw’endokwa ze babawa ne zigaana okubala gattako okubawa ebintu bye batalinaako bwetaavu ng’ate bye bagala weebiri.

More From The Author

Emboozi z’omuwandiisi endala

Emboozi endala

3f74e568a3684a1eac5d6d555644365318 220x290

Magufuli alagidde abaddukanya ekidyeri...

OMUWENDO gw’abantu abaafiiridde mu kidyeri mu nnyanja Nnalubaale gwongedde okulinnya! Pulezidenti wa Tanzania John...

Sevo 220x290

Ab'e Rubirizi basabye Museveni...

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza...

Budgetkasaijaweb 220x290

Bawera kusimbira kkuuli enteekateeka...

ABABAKA ku kakiiko ka palamenti akavunaanyizibwa ku byobulimi bawera kusimbira kkuuli enteekateeka z’okuyisa embalirira...

Kola 220x290

Mukolerere obukadde bwammwe - Minisita...

MINISITA omubeezi ow’ebyenguudo Gen. Edward Katumba Wamala akubirizza abantu okukolerera obukadde bwabwe nga bakyalina...

42312484102150760182472974931861717081653248n 220x290

Bobi Wine eby’okutulugunya abantu...

BOBI Wine ne banne eby’okubatulugunya babitutte mu kibiina ky’amawanga amagatte (UN ), era boongedde okukungaanya...