TOP
  • Home
  • Buganda
  • Nambooze bamutwalidde mu Ambyulensi ku kitebe kya ba mbega e Kibuli

Nambooze bamutwalidde mu Ambyulensi ku kitebe kya ba mbega e Kibuli

By Musasi wa Bukedde

Added 30th August 2018

Nambooze asekeredde abalowooza nti amaanyi gamuwedde olw’okuba omulwadde nti basaaga ne mu mbeera gy’alimu akyasobola okubaako by’akola.

Ekigerekyomubakanamboozekyebalogoseza 703x422

Ekigere ky'omubaka Nambooze (mu kafaananyi akatono) kye baalongoosezza.

 

Embeera y’omubaka wa Mukono Munisipaali,  Betty Nambooze Bakireke eyongedde okusajjuka oluvannyuma lw’ekigere okweyongera okutana ekyavuddeko abasawo okukirongoosa.

Nambooze gwe twasanze mu maka ge ku kyalo Kavule mu kibuga Mukono yatutegeezezza nti obulumi mu kiseera kino bumuyitiriddeko ate nga n’ekigere kyongera kusajjuka.

Okusiibula mu maka ge ku ssaawa nga 4:30  ez’oku makya g’Olwokusatu okugenda e Kibuli, Nambooze  baamutuuzizza mu kagaali k’abalema era ng’abadde atambulira mu ambyulensi ye  okugenda okweyanjula ku kitebe kya bambega e Kibuli ku misango egyamuggulwako oluvannyuma lw’okufa kw’omubaka wa Arua Munisipaali, Ibrahim Abiriga.

Omubaka bwabadde tannasiibula okuva awaka, muwala we asembayo Jane Francis Mulungi yasoose kumusabira okutambula obulungi.

Nambooze yategeezezza nga bwe yabadde asabye balooya be okugendayo bannyonnyole embeera ye  wabula n’afuna okuwabulwa okuva eri puliida we bwatyo  n’asalawo okugendayo mu buntu asobole okusaba bekikwatako okumuwa ebbanga eriwerako olw’embeera y’obulamu bwe.

Ono yasabye Bannamukono okusigala nga balemeddeko yadde ng’ebintu bingi ebibayigganya naddala mu kiseera kino ng’abakulembeze abalondebwa ku munisipaali babeefuulidde, n’ategeeza nga kino bwe kiri ku njuyi zombi waggulu ne wansi.

Nambooze asekeredde abalowooza nti amaanyi gamuwedde olw’okuba omulwadde nti basaaga ne mu mbeera gy’alimu akyasobola okubaako by’akola, era wano we yasabidde abasuubuzi abalagiddwa okwamuka ebifo we bakolera obutatuula butuuzi wabula beerwaneko.

Ku nsonga y’okusazaamu bondi ye, Nambooze yategeezezza nga bw’atatyangako kugenda mu kkomera naddala bw’abeera ng’alwanirira emirembe.

More From The Author

Emboozi z’omuwandiisi endala

Emboozi endala

Pak2 220x290

Mike Mutebi ne Misagga bandibonerezebwa...

Mike Mutebi ne Misagga bandibonerezebwa

Web2 220x290

Ne mu kusoomoozebwa tewava ku Katonda...

Ne mu kusoomoozebwa tewava ku Katonda

Kap1 220x290

Wawanirira Klezia ya St. Agnes...

Wawanirira Klezia ya St. Agnes Makindye

Lap2 220x290

Otuzimbye mu mulimu gw'ebifaananyi...

Otuzimbye mu mulimu gw'ebifaananyi

Mpa2 220x290

Abavuganyizza mu z'okukyusa embeera...

Abavuganyizza mu z'okukyusa embeera beebugira buwanguzi