TOP
  • Home
  • Amawulire
  • Abasawo abajjanjaba abawala abafuna embuto nga tebanneetuuka baakusibwa - minisita

Abasawo abajjanjaba abawala abafuna embuto nga tebanneetuuka baakusibwa - minisita

By Muwanga Kakooza

Added 30th August 2018

MINISITA w’eggwanga ow’ensonga z’abaana n'abavubuka, Florence Nakiwala Kiyingi, alabudde nti abasawo abajjanjaba abaana abawala abafuna embuto nga tebanetuuka bookedde okusibwa singa tebakomya muze gwa butaloopa nsonga zino ku poliisi abasajja abazibafunyisa ne bakwatibwa.

Nakiwala1 703x422

Nakiwala ng'ayogera

Kiyingi agamba nti ssi kibi basawo kuzaalisa oba kujanjaba bawala bato bafuna mbuto nga tebannaba kwetuuka kyokka balina okuteegeeza poliisi n’esobola okulondoola abasajja ababafunyisa embuto ne bakwatibwa.

Bino yabitegeezezza bannamawulire mu Kampala n’agamba nti omuwendo gw’abawala abafuna embuto munene ku gw’abasajja abatwalibwa mu kkooti olw’okuzibafunyisa n’agamba nti ky’ekiseera okubaako ekikolebwa ensi ereme kufafagana etyo.

Yategeezezza nti etteeka ligamba nti omuntu azza omusango gw’okuganza omwana omuto n’oyo amuyambako  n’ataloopa olw’ensonga yonna bombi baba bazzizza omusango.

‘’Kano akawayiro ke kayinza okuyitibwamu okukwata abasawo abataloopa ku poliisi bawala be bajjanjabye nga bali mbuto ne bazaalisizza. Era ekibonerezo kiyinza okubaamu okusibwa n’okuwesebwa engassi’’ Nakiwala bwe yagambye.

Wadde Nakiwala teyakikonyeeko, kyokka waliwo n’okwemulugunya nti abazadde abamu abalina abaana abafuna embuto nga tebanetuuka olumu bakolagana n’abasajja ababafunyisa embuto ne babalyamu ssente ne babisirikira.

Etteeka livunaana omusajja yenna aganza omwana atanaweza myaka 18 ne bw’aba yekikirizza.

Omwana omulenzi ne bw’aba tanaweza myaka 18 naye avunaanibwa okukabawaza munne. Wadde n’omukazi akabawaza akaana akalenzi akatanaweza myaka 18 akangavvulwa.

More From The Author

Emboozi z’omuwandiisi endala

Emboozi endala

Sheeber 220x290

Sheebah Karungi akutudde ddiiru...

OMUYIMBI Sheebah Karungi oluvudde mu ggwanga lya Amerika gy’abadde akubira abaayo omuziki atuukidde mu kukutula...

Kubaka9 220x290

Obuwanguzi bwa ttiimu ya Uganda...

Obuwanguzi bwa ttiimu ya Uganda ey'okubaka mu bifanaanyi

Illegalgears10 220x290

UPDF ekutte abavubi 17 ku nnyanja...

UPDF ekutte abavubi 17 ku nnyanja Nalubaale e Jinja Mayuge lwa nvuba mbi

Kasubibwafanana1 220x290

Katikkiro Mayiga alambudde Amasiro...

Katikkiro Mayiga alambudde Amasiro g'e Kasubi n'agumya Abaganda

Minisitaruhankanarugundangakwasaugandaekikopo 220x290

Uganda ekoze likodi ng'ewangula...

TTIIMU ya Uganda ey’okubaka esitukidde mu kikopo kya 2018 World University Netball Championship ezibadde ziyindira...