TOP
  • Home
  • Agawano
  • "Abasajja kye kiseera mutandike okusasula bakazi bammwe ssente olw'emirimu gya bakola awaka"

"Abasajja kye kiseera mutandike okusasula bakazi bammwe ssente olw'emirimu gya bakola awaka"

By Muwanga Kakooza

Added 30th August 2018

ABALWANIRIZI b’eddembe ly’abakyala baagala abakazi bonna okuli n’abafumbo batandike okusasulwa olw’emirimu gye bakola awaka ng’okulabirira abaana, okufumba emmere, okuyonja awaka, okulima, okutyaba enku n’emirala nga bagamba nti obutasasulwa kye kimu ku bibasibye mu bwavu obw’olutentezi.

Istock000061746048small 703x422

ABALWANIRIZI b’eddembe ly’abakyala baagala abakazi bonna okuli n’abafumbo batandike okusasulwa olw’emirimu gye bakola awaka  ng’okulabirira abaana, okufumba emmere, okuyonja awaka, okulima,  okutyaba enku n’emirala  nga bagamba nti obutasasulwa kye kimu ku bibasibye mu bwavu obw’olutentezi.

Abalwanirizi b’eddembe ly’abakyala bagamba nti akakiiko ka gavumenti ak’eddembe ly’obuntu  aka ‘Uganda Human Rights Commission’ kasaanidde okutandika okusomesa abantu naddala abasajja okukimanya nti abakazi okukola emirimu awaka nga tebasasulwa kityoboola eddembe lyabwe.

Bino byabadde ku Golf Course Hotel mu Kampala mu kutongoza lipooti eyavudde mu kubuuliriza ku mirimu egikolebwa awaka nga tegisasulwa mu disitulikiti okuli Kampala, Kabong e Karamoja n’e Kabale mu Kigezi.

Lipooti yatuumidwa ‘Gender roles and the Care Economy in Ugandan Households’ nga yakoledwa ebibiina okuli ekya Oxfam, UWONET  n’ettendekero ly’ekikula ky’abantu  erya ‘Makerere University School of women and Gender Studies.’

Omu ku bakugu mu kunoonyereza Dr. Ibrahim Kasirye eyasomye lipooti eno yagambye nti kyetaagisa abantu naddala abasajja okutandika okussa ekitiibwa mu mirimu egikolewa abakazi awaka n’okunoonya engeri gye babasasulwamu.

Yagambye nti kyetaagisa gavumenti n’abantu abalala abakwatibwako okwongera amaanyi mu kugonza emirimu abakazi gye bakola awaka okugeza; okufumba n’okulabirira abaana gireme kubakutula nnyo.

Eky’okulabirako kuliko okuyamba mu kubunyisa sigiri n’ebirala ne balemwa kumenyeko nnyo na kutyaba nku. Era yasabye ebyenjigiriza mu ggwanga byongerwemu amaanyi  n’ebyobulimi abakazi basobole okwongera okufuna mu mirimu gye bakola mu kifo ky’okubeera awaka nga bakolera ebitole by’emmere.

Minisita w’abaana n’abavubuka, Nakiwala Kiyingi yagambye nti eby’obuwangwa bissa abakyala mu katu kuba abasinga balowooza nti be balina okukola emirimu gy’awaka nga ne bwe baba tebasasuddwa tebafaayo.

Yagambye nti kye kiseera abakazi batandike okulowoozebwako mu ngeri ey’enjawulo olw’emirimu gye bakola awaka olumu abasajja gye batatwala ng’ensonga.

Ssentebe w’akakiiko ka palamenti ak’ekikula ky’abantu Alex Ndezi yategeezezza nti bagenda kuleeta ekiteeso mu palamenti okulaba  nti abakyala bafuna obwenkanya olw’emirimu gye bakola awaka nga tebasasulwa. Era n’asiima omulimu ogukolebwa ebibiina ebirwanirira eddembe ly’abantu.

More From The Author

Emboozi z’omuwandiisi endala

Emboozi endala

Mm 220x290

Kkampuni zisaze omusolo ku ‘Mobilemoney...

KKAMPUNI z’amasimu zitandise okussa mu nkola etteeka ly’okukendeeza gwa ‘mobile money’ (Airtel money, Africel Money...

Monicangalagaobutungulubwatunda500webuse 220x290

Ekigwo ekimu tekyandobera kuddamu...

Omulimu gw'okufumba bwe gwanzigwako tekyandobera kutandika kulimira wafunda era kati nasituka dda sirina agoba....

Skull 220x290

Bamukutte n’akawanga

OMUSAJJA eyasangiddwa n’akawanga k’omufu gamumyuse. Abatuuze baamulinye akagere ne bamukwata n’ekisawo mwe yabadde...

Muhangi3 220x290

Muhangi akkirizza okusisinkana...

OMUGAGGA Charles Muhangi awadde abasuubuzi abakolera ku bizimbe bya Qualicel(Horizoni city) ne Nabukeera (Bazannya...

Zaina2webuse 220x290

Obwakondakita bwamponya ennaku...

Okukola obwakondakita nga ndi mukazi kinnyambye okulabirira abaana bange ate n'okuyiga bwe bakolagana n'abantu...